ايه رايكم في الحكم

[mar mar]

ايه رايكم في قرار المحكمه


‎1-ضم قضيه قضيتين جنايات قصر النيل لبعضهما البعض


2- اثبات طلبات الدفاع الجدد المنضمه اليوم

3- التصريح للدفاع باستكمال الدفاع بالاطلاع على الاحراز
...
4- الدفاع الحاضر مع المتهمين بالاطلاع على الاحراذ

5- الدفاع مع المتهمين بالحصول على صوره رسميه من تحريات فيلات شرم الشيخ
وصوره رسميه من كشوف هيئه الاسعاف من مختلف الجمهوريه من 25 يناير وحتى ال 28

6- تصوير المستندات المرفقه مع الاحراذ


7- تحديد جلسه لنظر الدعوتين


8 - على النيابه العامه
اعلان حسين محمد موسى
واخرين لحضور الجلسه المحدده لمناقشتهم

9- احضار المتهمين فى الجلسه المححد لها

10 -ايقاف البث التلفزيونى لوقائع الجلسات اعتبارا من 5 -








معلومة قانونية من كل من الأستاذ عصام سلطان والأستاذ جمال عيد المحاميان: وقف البث في صالح القضية قانونيا من ناحيتين: أولا الاستماع للشهود، لأن مهم إن الشهود ميسمعوش شهادات بعض عشان ميحصلش تأثر باللي هيقولوه .. وناحية أخرى: التخلص من محاميي الشو الإعلامي الباحثين عن الشهرة مما سيؤدي لسير المحكمة بشكل أفضل .. أخيرا: المحاكمات ستظل علنية لأنها ستتم بحضور محاميي أسر الشهداء ويمكن نقل تفاصيل ما حدث بالمحاكمات للإعلام

[تامر ديزل]

رأيي المتواضع هو
البث التليفزيوني كان هدفه شفاء غليل الشعب المصري لما يشوفوا الفرعون في القفص هوا وولاده الجبابره
والطبيب المعالج شايف انه كفايه جلستين علينا لشفاء الغليل
فقام ادى امر بوقف العلاج
او يكمن خاف انه العلاج يجيب مضاعفات سلبية عند الشعب ويصعب عليهم حسحس ويعيطوا عليه
وتبقى وكسه
لكن انا شخصيا مش مدي خوانه اوي من تلاعب زي ما بعض الناس قالت على الجزيرة
لانه اذا كان البث اتوقف ف لسه الصحافه شغاله والتسجيل التلفزيوني شغال واعتقد البث الاذاعي موجود
يعني لسه فيه متابعه للحاله
انما الخوف بقى لو الطبيب المعالج شاف ان الشعب راق وفاق وبقى عال ومنع عنه المتابعه وكتبله على خروج

[تامر ديزل]

هوا محدش عايز يقول رايه غيري
طيب
الترجمه العربية للتعليق السابق
البث التليفزيوني كان هدفه شفاء غليل الشعب المصري لما يشوفوا الفرعون في القفص هوا وولاده الجبابره
يعني تخيل الشعب تعبان شويه ولما يشوفوا حسني وولاده هايرتاحوا زي العيان ما ياخد دوا
والطبيب المعالج شايف انه كفايه جلستين علينا لشفاء الغليل
وادارة البلد رايهم انه كفايه على العيانين جلستين علاج يشوفوا ويتشفوا ويرتاحوا ويهدوا اعصابهم
فقام ادى امر بوقف العلاج
يعني قرار منع الث المباشر
او يكمن خاف انه العلاج يجيب مضاعفات سلبية عند الشعب ويصعب عليهم حسحس ويعيطوا عليه
وتبقى وكسه
وده شعور متنامي خصوصا عند البسطاء من الشعب المصري ان المجرم بدأ يصعب عليهم
لكن انا شخصيا مش مدي خوانه اوي من تلاعب زي ما بعض الناس قالت على الجزيرة
لانه اذا كان البث اتوقف ف لسه الصحافه شغاله والتسجيل التلفزيوني شغال واعتقد البث الاذاعي موجود
يعني لسه فيه متابعه للحاله
يعني فيه لسه فرصه للشعب انه يتابع القضية بكل تفاصيلها
انما الخوف بقى لو الطبيب المعالج شاف ان الشعب راق وفاق وبقى عال ومنع عنه المتابعه وكتبله على خروج
هنا الخروج مش مقصود بيه حسني يخرج لا سمح الله وانما هوا تشبيه للعيان لما الدكتور بيشوف انه خف وبقى كويس فبيكتبله على خروج من المستشفى
ف ها يخرج للشارع

[د.كمال]

بصراحه معجبنيش محاميين الشهداء .....حاسس إنهم عايزين ظهور تلفزيونى أكتر من الدفاع عن الشهداء .....ومفيش نظام بينهم ولا توحيد فى الدفاع وكلهم حضروا للشهره فقط وحاسس إن فريد الديب أكلهم كلهم .