بدال البنزين تقيل (فيليشيا 1997)

[تامر1970]

بدال البنزين تقيل ويحتاج لجهد للتحكم به كما اسمع صوت غريب عند بدايه سير السياره (هذا الصوت لايحدث كل مره ) الصوت اشبه بطقه او اصطدام قطعتى حديد
الصوت خفيف ولكنه مسموع على فكره السياره سكودا فيليشيا 1997
واستخدم بنزين 92 (هذا مانصح به البائع السياره معى منذ 3 اسابيع ) هل هناك خطوره فى استخدام بنزين 80
اشكر لكم المساعده وكل عام وانتم بخير

[tareksakr]

اولا مبروك العربية ثانيا بالنسبة لموضوع بدال البنزين فغالبا سلك الاكسراتير عايز يتغير
وبالنسبة لصوت الطقة فممكن يكون لها اسباب كتير ممكن كوبلن في بداية تلفه او حاجة في العفشة عايزة تتربط او تتغير وبالنسبة لبنزين 80 ممكن عادي بس تخلي الميكانيكي يظبط الكهربا عشان ما يحصلش تسقيف للمحرك ويستحسن انك تراجع علي العربية عند ميكانيكي كويس وتغير سيور العربية
سير الكاتينة والدينامو وتغير زيت الفتيس والموتور وتعمل الصيانات اللي محتاجاها العربية عشان تبقي ماشي وانت مرتاح ولو ماتعرفش حد كويس ممكن ادلك علي واحد نضيف جدا

[mazenossama]

المشاركة الأصلية كتبت بواسطة تامر1970 بدال البنزين تقيل ويحتاج لجهد للتحكم به كما اسمع صوت غريب عند بدايه سير السياره (هذا الصوت لايحدث كل مره ) الصوت اشبه بطقه او اصطدام قطعتى حديد الصوت خفيف ولكنه مسموع على فكره السياره سكودا فيليشيا 1997 واستخدم بنزين 92 (هذا مانصح به البائع السياره معى منذ 3 اسابيع ) هل هناك خطوره فى استخدام بنزين 80 اشكر لكم المساعده وكل عام وانتم بخير

لو البدال تقيل فقط بس مفيش نتش او عض في الدواسة يبقي السلك سليم بس عايز يتشحم فقط وبلاش تغيره لو اصلي عشان غالبا مش هتلاقي سلك البنزين اصلي تاني وكده او كده عند فك السلك هيبان لو مفتل وبايظ وساعتها هاضطر تغيرة وتمنه صيني 25 جنية و 90 جنية اصلي

بالنسبة للبنزين منصحكش تحط 80 عشان فعل كربيراتير العربية دي حساس وهيتسد بسهوله ومنصحكش تلعب في الكهربا او في الكربيراتير نفسه

[ahmed karam]

جرب تغيير سلك البنزين ممكن يكون معاكس جوه الجراب و لو مش عارف تجيبة منين قولى و أنا أقولك فين رمضان كريم