استفسار بخصوص اسطوانة و ديسك الدبرياج للفليشيا

[meniem]

السلام عليكم

فى البداية أحب أن أشكر كل اعضاء المنتدى الكرام لاننى جديد فى عالم السيارات و قد استفدت الكثير من خبراء هذا المنتدى الكبير,

انا عندى عربيه سكودا فيليشيا موديل 96 - 1300 سى سى

و كان عندى شوية استفسارات عن حاجات فى العربية:

* هل ديسك الدبرياج لما يتاكل ممكن يتملى عند الخراط ولا لاء , و لو ما ينفعش, هل لو جبت واحد استيراد حايبقى كويس و لا بلاش و اجيب جديد احسن.


* لما اكون ماشى بأقصى سرعه للعربية (يعنى مقفل الخامس) , عداد السرعه بيجيب 120, مع أن العداد فيها 200 - طبعا هو مش حايجيب 200 ولا 180 كمان ... و لكن ... هل السبب فى الحكاية دى اسطوانة الدبرياج مع العلم ان صوت الموتور بيبقى كويس و مش عالى.


ارجوا من اعضاء المنتدى الكرام الا يبخلوا علينا بخبراتهم فى هذا المجال.

و شكرا للجميع

[ShekeeS]

اعتقد هتغير الدسك والاسطوانه بجديد يكون افضل ومش غالى
هتفرق معاك فى قوة الدفع يعنى هتنقل سرعات بسرعه عن الاول

[احمد على 1999]

فعلا الجديد احسن
بس من وصفك لاداء العربية و صوت الماتور غالبا تغيرهم مش حيفرق فى سرعة العربية شكلها مخنوقة بسبب حاجة تانية
بس كده كده طالما حتغير استنى و شوف التاثير

[essamenen]

بالنسبه لملاء الاسطوانه شوف سعر الملو والجديد وشوف الفرق, الملو مش وحش لو السست حلوه واتعمل حلو وبيتعمل عند واحد معين مش خراط
- الاستيراد افضل من الملو لكن الجديد فيه انواع كتيره ودرجات وافضلهم الفليو
-لما تكون الاسطوانه فى مراحلها النهائيه يكون التسارع بطيئ فاذا كانت السياره تصل من 0 الى 100 كيلو فى 10 ثوانى فعند تلف الاسطوانه تكون مثلا من 0 الى 100 كيلو فى دقيقه وتلك فى المراحل المتاخره
ولكن بالنسبه للسرعه القصوى لاتوجد عندى اى معلومه اذا كانت السياره ستصل للسرعه القصوى ولا لا عند تلف الاسطوانه