افيدونى بالله عليكم

[kappo26]

بسم الله الرحمن الرحيم
اخيرا وبعد رحله طويله مع البنوك والوكيل استلمت سيارتى الجميله مابل انجلون
وبعد انهاء اجرات الترخيص بحوالى ثلاثة ايام يشاء المولى عز وجل ان تصدمنى سياره مسرعه من الخلف ثم تهرب
وكانت النتيجه انبعاج كبيييييييير فى الرفرف الخلفى الايسر وكسر الاكصدام الخلفى وفانوس الاشارات الخلفى الايسر
بالطبع احمد الله عز وجل على هذه التلفيات البسيطه ولا تستغربوا من كلمة بسيطه
لان السياره الاخرى رغم انها هوندا سيفيك موديل 2011 الا انها (( اتعجونت ))
وتلفياتها كالاتى
(( رفرف امامى ايمن _ فانوس امامى ايمن _ اكصدام امامى _ كابوت _ انبعاج فى الباب الامامى الايمن _ واعتقد كبس فى الركبه ( لان العجله اليمين كانت بتحك فى دلاية الرفرف اثناء المشى ) والله اعلم بما خفى ))
المهم حتى لا اطيل عليكم
عندما ذهبت للتوكيل حتى اصلح السياره اخبرونى ان قطع الغيار المطلوبه غير موجوده فى التوكيل وانهم سيطلبونها من الفرع الرئيسى فى القاهره
سلمت امرى لله ورجعت لهم بعد حوالى اسبوع وكانت الصدمه الكبرى ان قطع الغيار غير موجوده فى الفرع الرئيسى ايضا واخبرونى انهم سيطلبوها من المورد بالخارج
حاليا بقالى 22 يوم ماشى بالعربيه شكلها غلط
قولولى اعمل ايه واجيب الاكصدام والفانوس منين طالما مش موجود فى التوكيل
اسف على الاطاله
ولكم جزيل الشكر

[fineart607]

ممكن تصلح الكصدام عند واحد بتاع فيبر وتوفر شوية وللأسف دى مشكلت بعض السيارات الى مش منتشرة الغريب ان الأعلانات بيكون فيهاكذب كبير

[trytob]

ربنا يباركلك فيها و يبعد عنك شرها

للاسف هى دى مشاكل التوكيلات للعربيات الجديدة عدم توفر قطع الغيار او علو سعرها و ده هيكون نتيجة برضه لندرة وجودها.

لو قدرت تروح لسمكرى كويس و صنايعى فبر يلملك الفبر و يدخلك الاكصدام فرن لحد ما يجيبوا التوكيل خير و بركة ما قدرتش حاول تعيش كده شوية لحد ما تشوف هترسى على ايه.

[fineart607]

بس لازم يشد على التوكيل وكل المالكين للنوع ده يتحدوا ويدوشوا التوكيل صدقنى ده الى حصل مع اسبرانزا ام11 وبفضل الله ثم الدوشة الى عملناها اصبحت قطع غيارها متوفرة الى حد ما والتوكيل بيصلح نفسة على طول علشان كده تلاحظ انها بدات فى الأنتشار وان شاء الله عربيتك تصبح احسن من الأول

[higazy.eslam]

سيدى بعد السلام عليكم اريد ان اوجه نظرك لشئ يحدث عندنا فى مصر فان مجرد الاستفسار و الذهاب بدون نتيجه لايقدم ولا ياخر سيدى العربيه توكيلها مع ابو غالى وكان معايا رقم مسئول الصيانة على مستوى الجمهوريه ودورت عليه علشان اكتبهولك والله مالاقيه بس حأولك على نصيحة مجربهوبعد كده لاتنسى الدعاء
ابعت اميل للشركة الام بالصين على فكره هم حرصين جدا على سمعة عربيتهم واكتب فيه ان الوكيل فى مصر زى الزفت وانك عندك مشكله بالعربيه والتوكيل لايستطيع حلها ولاتنسى كتابة بيانات العربيه من رقم المتور والشاسيه واسمك ورقم تليفونك حتى يستطيع الوكيل الاتصال بك وابعت الاميل بالانجليزيه وان كنت لا تجيدها اكتب الاميل بالعربى وترجمه عن طريق جوجل للترجمه وعند اتصال الوكيل لاتتحدث باسلوب عادى لا اتكلم باسلوب زعل ونرفزه
واخيرا ربنا يعينك ويكفيك شرها