حصريا علي مصر موتورز قررارت ثورية حصرية

■ الثوار يطالبون بأن تكون الرؤية فى التحرير حتى يحصل الشهر الكريم على الشرعية من الميدان.


■ عاجل: الليبراليون يطالبون بتأجيل شهر رمضان لأنه مافيش حد مستعد ليه غير الإخوان والسلفيين ويعلنون الجمعة القادمة جمعة العيد أولا.


■ عاجل: عمرو موسى: قدوم رمضان قبل العيد شىء مهم ومؤثر جدا، وعموما صوم رمضان يعتبر خطوة إلى الأمام.


■ عاجل: العيسوى: لا يوجد لدى الداخلية مدفع إفطار.


■ اللواء ممدوح شاهين: المحاكمات العسكرية فقط للبلطجية ومفطرى رمضان.


■ عاجل: اللواء عمر سليمان: المصريون غير مؤهلين للصيام.


■ عاجل: الثوار فى التحرير يفكرون فى توجيه مدفع الإفطار ناحية شرم الشيخ هذا العام.


■ عاجل: العيسوى: الشرطة مش موجودة فى الشارع من يوم 2 رمضان، ولسنا مسؤولين عن أى مدافع إفطار انطلقت بعد هذا التاريخ.


■ حلقة فى الميدان اليوم واستفتاء حول (الصيام أولا أم السحور أولا؟)


■ عاجل: فريد الديب: مبارك أول من أيد الصيام فى رمضان.. أومااال.


■ السؤال: هل تصلح صلاة التراويح بعد الثورة أمام مسجد مصطفى محمود؟


■ عاجل: ممدوح حمزة: أنا أول واحد قدم فكرة شهر رمضان للحكومة من 30 سنة بس رفضوا.


■ المحاكمات حصرى فى التليفزيون المصرى.. رمضانك مختلف معانا.


■ حان الآن موعد الإفطار حسب التوقيت المحلى لميدان التحرير.. وعلى المقيمين فى روكسى مراعاة فروق التوقيت.


■ عاجل: البرادعى يدعو جميع المصريين للإفطار أول يوم رمضان فى ميدان التحرير.. ويستأذنهم إنه يفطر فى النمسا اليوم ده.


■ عاجل: مبارك: لم أكن أنتوى الصيام هذا العام.


■ العشرات يتظاهرون فى مصطفى محمود ويهتفون «ماتنساش تتسحر يا ريس».


■ عاجل: فريق علاء مبارك يفوز بالدورة الرمضانية المقامة فى طرة.. وحبيب العادلى هداف البطولة.


■ الحشود فى روكسى تتساءل: هيه الناس اللى بتصوم رمضان دى عايزة إيه؟


■ الاحتفال برؤية هلال رمضان بحضور مندوب من ائتلاف شباب الثورة.


■ اللى صايمين رمضان دلوقتى مش هما الشباب الجميل اللى كان صايم النص من شعبان.


■ ولا يوم من أيام مبارك,,, أيام ما كنا بنفطر الساعة 5.. آدي اللى خدناه من الثورة.


■ وبسؤال أحد المواطنين عن توقعه للتاريخ الذى ستصدر فيه أحكام الإدانة على الفاسدين فقال: «ياميش» يعيش.


■ أحمد عز: وأكررها هذا العام تحية لجمال مبارك مفجر مدفع رمضان.


■ الهتاف الآن فى مصطفى محمود: زى ما قال الريس.. رمضان فى شرم كويس.


■التيارات السياسية تدعو لمليونية ليلة القدر بميدان التحرير.


■ عاجل: الإخوة الأقباط يعتصمون أمام الكاتدرائية ويطالبون بأن تضم المادة الثانية ما يضمن المساواة وحقهم المشروع فى قمر الدين.


■ عمرو حمزاوى: على التيارات الإسلامية أن تكف عن خلط الدين بـ"القمر".


■ حسنى مبارك فى حديث صوتى للعربية: ليس عندى مكسرات ولا ياميش وسأقاضى من اتهمنى بذلك.


■ عاصم عبد الماجد القيادى بالجماعة الإسلامية : المعتصمون فى التحرير كلهم مفطرون وهدفهم يبوزو صيامنا .


■ قيادى بحركة 6 إبريل : جماعة الإخوان لم تصم من أول يوم فى رمضان وصامت بعد ما الصيام نجح.


■ أهالى الشهداء يتجمعون عند المحكمة ويهتفون على المتهمين فى سيارات الترحيلات ... يا فاطر رمضان يا خاسر دينك ... شباب الثورة هاياكل مصارينك.


■ شباب من المعتصمين يهددون بإنهم هايفطروا رمضان لو لم يستجب المجلس العسكرى لمطالبهم.


■ رصد الآن : خطيب مسجد عمر مكرم يصلى التراويح بالمصليين، والمسيحيين يحيطونهم بكردون بشرى .... هى دى مصر + دمعتين.


■ حسن يوسف لقناة المحور : المعتصمين بالتحرير بيجيلهم زبادى بالفراولة وفول أمريكانا على السحور.


■ عفاف شعيب : إللى بيحصل فى التحرير ده مصيبة إبن أخويا عمال يقول لى عاوز قطايف بعين الجمل يا عمتو ... أطفال عاوزين يحلوا.


■ واحدة من ثوار التحرير لسيد على وهناء السمرى: خدونا فى فريدريم هاوس ودربونا إزاى نصوم وكانوا بيدوا كل واحد كوباية خشاف وطبق كنافة وبيسحرونا فى إيران ويفطرونا فى قطر.


■ وزير التضامن : الياميش يتم تهريبه إلى الدول المجاورة بكثافة كبيرة وخايف المخزون ما يكفيش لآخر رمضان.


■ التليفزيون المصرى: مبارك يحضر حفل توزيع جوائز حفظة القرآن فى ليلة القدر .. ومحلل وخبير سياسى يعلق: وفيها إيه هو متهم والمتهم بريء حتى تثبت إدانته ومن حقه القانونى حضور الحفل.


■ هاجم المعتصمون قوات الجيش وفى تعليق لمتحدث باسم ائتلاف شباب الثورة الصائمين علق بإن الدنيا كانت حر موت وكنا عاوزين نهيج الجيش علشان يرشنا بالمية.


■ بيان رقم 100 من المجلس الأعلى للقوات المسلحة: ينفى المجلس الأعلى خبر تأجيل عيد الفطر ويؤكد التزامه على أن العيد سيكون فى موعده وفقا للدستور.

[mohamed selem]

الليبراليون يطالبون بتأجيل شهر رمضان لأنه مافيش حد مستعد ليه

مجابوش لسا الياميش

العيسوى: لا يوجد لدى الداخلية مدفع إفطار.

هنجبلهم بمب

الثوار فى التحرير يفكرون فى توجيه مدفع الإفطار ناحية شرم الشيخ هذا العام.

يالا ياراجل بلا وجع قلب

ممدوح حمزة: أنا أول واحد قدم فكرة شهر رمضان للحكومة من 30 سنة بس رفضوا.

دلوقتي احنا في حريات ياممدوح

المحاكمات حصرى فى التليفزيون المصرى.. رمضانك مختلف معانا.

مش هتقدر تغمض عنيك

عاجل: البرادعى يدعو جميع المصريين للإفطار أول يوم رمضان فى ميدان التحرير.. ويستأذنهم إنه يفطر فى النمسا اليوم ده.

عشان هناك الفطار اوبن بوفيه

عاجل: فريق علاء مبارك يفوز بالدورة الرمضانية المقامة فى طرة.. وحبيب العادلى هداف البطولة.

حبيب رمضونا العادلى

ولا يوم من أيام مبارك,,, أيام ما كنا بنفطر الساعة 5.. آدي اللى خدناه من الثورة.

يرحم زمان الجلبيه واللمه حولين طبليه هههههههههه فين ايام 5 دي

أحمد عز: وأكررها هذا العام تحية لجمال مبارك مفجر مدفع رمضان.

ههههههههههههههههه مفجر

[نبيل عبدالرحمن]

هههههههههههههههههههههههه
تسلم ايدك ياكورسير ملعوبة بجد

تسلم ايديكم يا جماعه ونورتوا الموضوع وتقبلوا تحياتي

[تامر ديزل]

جميلة جداااااا
بدون منافس
كورسير وبس
ويارب اشوفك مذيع في البي بي سي
تنور الشاشة