إلى كل الي إتعلّم عليه قبل كدة وبقى شكله وحش قويييي

[dr_eslam_66]

السلام عليكم ورحمة الله وبركاته
أنا وأنا قاعد كدة مع نفسي (هدحك عليكوا طبعا وأقول قال ياعني أنا ماكنتش محروق ولا دمي شايط ولا حاجة) جتني فكرة موضوع هاااايلة وأهو كله يزيح همه كدة ونفضفض مع بعض.
حد فيكوا بقى يخمن كدة إيه هوا الموضوع؟؟؟؟
.
.
.
.
طيب أنا مش هغلبكوا أنا هقولكوا أنا بفكر في إييه.
كل واحد فينا بيمشي في الشارع بيقابل مواقف كتيير منها الي بينرفزه ومنها الي بيضحكه وساعات هوا بيعلم على واحد غتيت وساعات واحد غتيت يعلم عليك وساعات تغتت على واحد يقوم يعلم عليك.
إيه رأيكوا بقى كل واحد يشاركنا بموقف أو أكتر من دول أهو من باب نوادر جحا كدة.
الدعوة عامّة وهتبقى لـمّة.

[غاوي إللنترا]

هيه سعات بتبقى غتاته لكن الأكتر مواقف معايا استعراض وإظهار الحرفنه في الجري والغرز ولو جامد بقى بيوقلك ورني هاتجبني إزاي وده طبعا بيتخلف على حسب نوع عربيته وعربيتك وسعات مش بالعربيه بيبقى بإحتراف إلي سايق
انا عن نفسي معايا إللنترا2008 مانيوال ما شاء الله على التسارع بس سعات بعلم على عربيات وعربيات بتعلم عليا وإكتشفت انه مش موضوع جري بس لأ
الموضوع بيبقى المزاج رايق يعني لو دماغك مظبطه يعني رايقه مش شرب احسنت تفهموني غلط لأ يعني بالك رايق هاتعلم على أبو أبوه ولو مزاجكك معكر مش هاتسد معاه خالص و طبعا ما ننساش الطريق ليه عامل كبير في المواضيع دي بالذات اللي حافظ الطريق كويس وعارف خباياه أحلى جري الواحد يجرب فيه عربيته لو من القاهره يمشي في صلاح سالم لحاااااااااااااااد موقف العاشر بجد هاتعرف وقتها لما يقابلك واحد على الطريق مستني حد ينكشه وهايبدأ معاك الحرب على الأسفقلت وساعتها بقى مش هاقولك على اللي ممكن يتعمل فيك تحس فعلا انك في فلم اكشن ومطارده موت مش هاطول عليكوا

[dr_eslam_66]

لا أخفي عليكم سرا إني عندي حكاية هتفرحكوا فيا للأسف وقبل ما حد يقولي إنتا رغاي وبهلفط كتير في الكلام أنا هخش في الموضوع دغري:
1- أولا واحد صاحبي أجر شقة جديدة وكان بيفرشها.
إوعوا أسمع حد فيكوا بيقول وإحنا مالنا يلا كلنا نقول ألف مبروك للراجل الطيب ده.
2- الراجل إشترى تليفزيون من واحد زميله في الشغل بس بيته بعيد شوية.
طبعا مش عايز نصاحة لا صاحبه مش بتاع تليفوزيونات لا دا تلفزيون مستعمل.
3- التلفزيون طلع مش كويس قوي والراجل ماعندوش مانع ياخد التلفزيون من صاحبي ويرجعله فلوسه.
مش عايزكوا تكونوا زهقتوا المفروض نقف جنب الراجل في أزمته ونواسيه ونقوله البقاء لله في التلفزيون.
4- طبعا بما إني أنا الغلبان الي بيتدحك عليه بكلمتين إتدبست أنا في المشوار ده تفاصيل المشوار بقى مريعة من الشارقة لدبي في قلب شارع نايف اليوم والتاريخ : الجمعة 29/07/2011 التلفزيون 42 بوصة ومش إل سي دي ياعني داهية مسيحة بنيلة وتقيل تقل السنين والتنين والي زاد وغطى لاقته جايب واحد صاحبنا معاه كمان ياعني بقينا تلاتة والتلفزيون باشا وطبعا لازم يقعد معانا جوا العربية في التكييف علشان الدنيا هنا حر وعلشان التلفزيون أهم من صاحبنا التالت فا قعدناه معاه ورى كابس على نفسه.
5- نزلنا التلفزيون من فوق وإتقسم ضهري أنا وصاحبي وركبناه العربية وإطمنا عليه وقولنا نتصل بالراجل الي هنوديهوله لاقينا الراجل ماردش. إيه بقى التدبيييسة دي قولنا طيب نتحرك لو المشوا فشل نروح الممزر عند الواد بتاع الكرك نضرب كبايتين شاي يووه تلات كبايات شاي أنا نسيت صاحبنا التالت ولو الراجل ماردش لحد كدة هناخد التلفزيون ونرجع وخلاص.
6- روحنا الممزر ضربنا الشاي والراجل رد وياريته مارد الله يسامحهع بقى ودخلنا معجنة نايف عايز أقولكوا إني مثلا واقف في الإشار حوالي 30 دقيقة وبدون مبالغة والله ومش إشارة واحدة ولا إتنين ولا شارع ولا إتنين دا كل نايف كدة أنا مش عارف هما ساكنين هناك إزاي بالمنظر ده.
7- العربية تقيلة تقيلة شوية بس قولت نخلص من التهمة الي معانا دي وهتبقى الحياه زي الفل إنشاء الله.
8- قابلنا الراجل وخلصنا المصلحة والحمد لله وكان اليوم كله ضاع في الزحمة والمشاوير وبقة الساعة 10 بليل ولا إتغدينا ولا نمنا ولا جهزنا حالنا لشغلنا تاني يوم حاجة تزهق مش كدة وراجع بقى روحي في مناخيري ومش طايق نفسي وكان هاين عليا أفتح باب العربية وأرمي الولا الي جنبي دا خلاص أ،ا مش هعرفه تاني,,, ياااه لا كمان أنا نسيت صاحبنا التالت هرميه هوا كمان علشان أنا في الحالة دي ممكن أرمي نفسي لو قررت تدايقني.
بصوا أنا منتعصب دلوقتي ماحدش يقولي زهقتنا ولا إنجز ولا يقفل قبل ما يكمل قراية لا أمسك اللاب وأرميه من البلكونة.
9- جينا بقى لشارع الوحدة وقرفه وزحمته والكائنات الفضائية الي بتسوق فيه واحد أموور وشايف نفسه إبن بارم ديله سايبنا كلنا واقفين طابوووووووور طويل على المخرج وجاي ياخد حارة المخرج الي قبليه ويجري وعايز يخش من قدام, أنا راضي ذمتكوا ينفع؟, طبعا لجل حظه المنيل قرر يدخل قدامي وأنا راسي وألف سيف أبدا والله ما يحصل وعلى جثتي والمخ الصعيدي إشتغل (هرفعلكم صورة دلوقتي هتشرحلكم الموضوع).
ممم مش عارف أرفع الصورة بعد ماتعبت فيها ورسمتها طيب أنا هديلكوا اللنك بتاعها على الفيس بوك إفتحوها دي مهمة جدا مش رغي زي بقيت كلامي والله.
http://www.facebook.com/media/set/?s...d345301&type=1
10- هوا تلخيص الصورة إني مادخلتوش وخنقت عليه خنقة السنين بصراحة يقوم أبو قلب إسود شايلهالي وأنا خلاص بقى سقطه من دماغي مايولع هعمله إييه ياعني, أنا داخل المدخل الي ورى الي خنقت عليه فيه على طول يقوم داخل من ورايا وجاي من شمالي وفجأة ألاقيه واقف على كبوت عربيتي وزنقني أنا في اليمين وكدة بقيت أ،ا الي مخالف وهنا المرور شادد حيله شوية هترزع مخالفة وغير تصليح العربية لو قررت أتغابى معاه أكتر من كدة.
11- دخل قدامي وطلع الكوبري وأول يا برنس ما إستلم الفلتر ألاقيه قام مشمع الفتيل ماعرفتش أشوفه تاني أنا ما أنكرشي إني كنت ناوي أجري بقى ونقسم مع بعض شوية بس عربيتي مش هتسعفني خاالص وبالذات معاه (دا كان راكب رانج روفر يامعلم) وأنا يادوبك كرولا غلبانة هيا أسد آآه بس لو مع سيدان كدة طبيعية (لما الموضوع بيخش في مواتير أنا بسحب مابحبش أقرص زيدة على اللزوم وعارف إمكانيات عربيتي) لو هيا سواقة أنا معاه لآخر الدنيا لحد مانشوف هيروح فين.
12- قومت جايب ورى والإتنين الي عمال أقسم عليهم طول السكة تريقة وتهزيق إستلموني : 121155~191: أنا بقى المرادي وماسابونيش غير لما ركنت وكانوا عايزين يطلعوا معايا البيت كمان يكملوا.

[تامر ديزل]

الموضوع ده حصل من 4 شهور تقريبا
كنت راجع من القاهرة على طريق الاسماعيلية بورسعيد حوالي الساعة 6 المغرب وراكب الفيرنا العجيبة اللي كانت معايا وعمال اعدي م السيراتو واللانسر والكورولا زي السكينة في الحلاوة
عربية غير طبيعية فعلا
والجو طراوه وماشي على 140 تقريبا فجاة لقيت عربية زرقا شبه الدايهاتسو سيريون كده بس صيني بتعدي من جمبي بدون مناقشة بدون صوت بدون مشاكل وبابص لقيت العربية بقت قدامي في ثانيه
قلت لنفسي ازاي عربية صيني تسبق الفيرنا الصاروخ
رحت مزود مزود مزود بالعافيه بقيت ورا العربية المهم مشينا ملف يودينا وملف يجيبنا اني احاول اعدي منه ابدا
تقريبا الاخ خد باله مني فبدأ يلاعبني لاني كنت على وشك ازهق واسيبه في حاله راح مهدي شوية اتشجعت وحصلته راح فاتح تاني 150
من قبل اسماعيلية لحد قبل اليوترن اللي تخش منه دمياط انا وراه عايز اعرف ماركة العربية دي ايه مافيش غير حرف اتش بين قوسين وملاكي بورسعيد
وصدق او لا تصدق قبل اليوترن بشوية عربية نقل قدام صاحبنا اللي في اليمين وانا وراه بشويه في الشمال رحت مقلبله نور علشان اعدي من شماله حقي بقى ورحت ضارب نظر جوا العربية الزرقا علشان اشوف السائق المحترف ده شكله ايه اللى قطع نفسي
طلعت واحده بنت
صدقوا واولا تصدقوا
كل سنه وانتو طيبين

[dr_eslam_66]

المشاركة الأصلية كتبت بواسطة غاوي إللنترا هيه سعات بتبقى غتاته لكن الأكتر مواقف معايا استعراض وإظهار الحرفنه في الجري والغرز ولو جامد بقى بيوقلك ورني هاتجبني إزاي وده طبعا بيتخلف على حسب نوع عربيته وعربيتك وسعات مش بالعربيه بيبقى بإحتراف إلي سايق انا عن نفسي معايا إللنترا2008 مانيوال ما شاء الله بسم الله ماشاء الله الله يباركلك فيها على التسارع بس سعات بعلم على عربيات وعربيات بتعلم عليا وإكتشفت انه مش موضوع جري بس لأ الموضوع بيبقى المزاج رايق يعني لو دماغك مظبطه يعني رايقه مش شرب احسنت تفهموني غلط لأ يعني بالك رايق هاتعلم على أبو أبوه ولو مزاجكك معكر مش هاتسد معاه خالص و طبعا ما ننساش الطريق ليه عامل كبير في المواضيع دي بالذات اللي حافظ الطريق كويس وعارف خباياه أحلى جري الواحد يجرب فيه عربيته لو من القاهره يمشي في صلاح سالم لحاااااااااااااااد موقف العاشر بجد هاتعرف وقتها لما يقابلك واحد على الطريق مستني حد ينكشه وهايبدأ معاك الحرب على الأسفقلت وساعتها بقى مش هاقولك على اللي ممكن يتعمل فيك تحس فعلا انك في فلم اكشن ومطارده موت مش هاطول عليكوا

كلامك عشرة على عشرة وزي الفل بس بردو مش هتهرب إحكيلنا موقف واحد علم عليك فيييه.
بس لعلمك إنتا في نعمة في مصر أصلي كل العربيات الي حواليك يا فيرنا يا لانوس فا حاجة حلوة بردو والرووص بتتساوا وتمام قوي لما بتلاقي مرسيدس ولا بي إم الفئة الخامسة ولا السادسة ياعيني بتاحول بس ماتزعلوش وتمشي وراه شوية تتفرج لا يزعل منك ويسيبك ويجري.
إنما قمة العجز إني الواد دا يبقى راكب ماتور أعلى من ماتوري الغلبان (1.8) بخمس مرات ويتنطط عليا كدة أ، اهعيط خلاص مش قادر أكلم الناس الي كانت معايا تاني.
دا ياراجل وأنا ماشي كنت عايز أتحايل عليهم مايقولوش لحد.I LIL