حكايتى مع الجنوط الجديدة!!!!!!!!

[hossamdoaaaa]

عندى عربية نيسان صنى 83 كنت عايز اركبلها جنوط سبور لفيت وكان فى بالى شكل جنط حلو وعاجبنى المهم رحت لاكتر من محل اسال على الجنط ده يرد ويقولى موجود بس مايركبش على العربية عندك عشان السرة الى فيها المسامير مش مناسبه ليه ويفرجنى على موديلات تانية تناسب وضع العربية عندى المهم كل ما اتفرج عند محل ميعجبنيش ولا جنط لحد مارحت لمحل فى اسكندية فى شارع 45 ولقيت جنط عجبنى المشكلة كانت فى الصواميل بتاعت الجنط القديم قالى مينفعش تركب الصوميل يتاعت الجنط القديم على الجديد قلتله طيب ايه الحل قالى عندى صواميل نيكل الصاموله بـ 4 جنيه قولتله ماشى قالى طيب فى مشكلة تانية حتقابنا ان الصامولة المتوفرة فى السوق مقاس 19 (سن داخلى 1.25) وعشان تربطها فى الجنط عنحتاج ناكل من مفتاح الربط(الصليبة) شوية عشان نربط الصامولة كويس قلتله طيب مفيش مقاس اصغر 17 (سن داخلى1.25)
عشان الربط يكون بسهولة اكد لى ان مفيش فى السوق خالص المقاس ده وان المشكلة دى بتقابلة مع كل مودلات اليابانى القديم وانا فعلا رحت سألت بعد كده فى محلين او تلاته على مااتذكر وقلولى مفيش صواميل مخ 17 (1.25 داخلى)

السؤال دلوقتى هل سعر الجنط الجديد شامل الصواميل ؟؟

هل كلامة بخصوص حكاية الصواميل دى صحيح ولا اشتغالة؟؟؟

ايه الحل دلونى لانى مش مطمن وانا ماشى بالعربية كدة الصواميل بربطها بالعافية....

[AbOnOrA]

غلط جدا تمشى بيها كده بص انا فى عربيتى اخدت الصواميل مع الجنط بس طبعاً خرطنا المسامير الانها كانت اطول من العمق الموجود فى الطنبورة والصرة وعند الطنبورة بتركب فيبرة كده زيادة

بس يمكن مقاس فتحات المسامير عندك مش منتشرة او غريبة معرفش بس كده يبقى لازم تدور على مسامير مناسبة او تخرطها مثلاً

[hossamdoaaaa]

المشكلة انا خايف لما اخرط الصامولة اقلل من عزمها وبالتالى تنكسر او تنشرخ مع الربط والفك عايز حد يدلنى على متخصص فى الصواميل او حل لهذ الموضوع