تعليق على خطاب عصام شرف..

[MmFFoR]

في خطاب رئيس الوزراء في حكومة تسيير الاعمال الحالية الدكتور مهندس عصام شرف: تم تحديد النقاط التالية

1- تكليف السيد وزير الداخلية بالإسراع في إعلان حرك...ة وزارة الداخلية متضمنا إستبعاد قيادات هيئة الشرطة اللذين تورطوا في جرائم ضد الثوار في موعد أقصاه 15 يوليو 2011 كما كلفت السيد وزير الداخلية بسرعة استعادة الأمن والإنضباط للشارع المصري مع دعمنا الكامل وثقتنا في جموع الشرفاء من قيادات وضباط الشرطة .

2-إجراء حركة محافظين تتفق وتطلعات الشعب قبل نهاية الشهر الجاري .

3- إجراء تعديل وزاري خلال اسبوع يحقق أهداف الثورة ويعكس الإرادة الحقيقية للشعب.( متوقع ان يشمل التعديل 12 وزير من الحزب الوطني السابق و قد اضطر ان يفاوض المجلس العسكري في اجتماع مغلق لمدة 4 ساعات فقط من اجل هذا القرار - و احتمال اقالة الجمل ايضا!!)

4- اناشد المجلس الأعلي للقضاء – الموقر- بتطبيق مبدأ العلانية علي جميع محاكمات رموز النظام السابق وقتلة الثوار ، على أن تكون المحاكمات منجزة ، ليطمئن الشعب ، وترتاح أسر الشهداء . كما اناشد الشعب تمكين القضاء من ممارسة عمله في ظروف طبيعية تتيح للعدالة أن تأخذ مجراها .

5- اصلاح هياكل المؤسسات الصحفية والإعلامية في اسرع وقت ممكن .

6- قررت أن أتولى بنفسي رئاسة مجلس إدارة صندوق رعاية ضحايا ثورة 25 يناير واسرهم ، للإسراع بتلبية احتياجات أسر الشهداء والمصابين .

7- أطالب الشعب المصري العظيم بالعمل معي من أجل تحقيق ذلك ومنح الحكومة الجديدة الفرصة الكاملة للعمل من أجل مستقبل مصر وتحقيق أهداف الثورة .
وسوف تشهد الفترة القريبة القادمة مجموعة من القرارات التي تلبي كافة مطالب الشعب وأهداف الثورة




انتهى





التعليق: في شوية ناس ربنا حرمها ....... - رفضت التصريحات و اعتبرتها من مسببات رفع الضغط و الاحباط و السكر و الشلل الرعاش ولا تلبي طلبات المعتصمين و اهالي الشهداء و مكتسبات الثورة و الكلام الكبير ده كله.


اولا انا متأكد 100% ان تصريحات عصام شرف تمت بعد صراع عنيف و مفاوضات مع المجلس العسكري لتقديم مثل هذه التنازلات و الاجراءات الثورية!

لو حد عارف هو في ايه كان مطلوب تاني يا ريت يقولنا

[Ahmed Anwer]

ماجابشي سيرة المحاكمات العسكرية

الخطاب كله نوايا و مناشدة ،،

فين التنفيذ ؟؟

حتي لو صادق و فقط محتاج وقت

كان يستني و يطلع ببيان قرارات حقيقية مش مشاريع قرارات

كده باين كأنه مجرد بيدي مسكنات

[MmFFoR]

يعني باقي نقطة المحاكمات العسكرية فقط
مشاريع القرارات التي ذكرتها تشمل - عزل ضباط الشرطة في خلال 3 ايام

التعديل الوزاري في خلال اسبوع

علانية المحاكمات اصدر توجيهاته بالفعل للمجلس الاعلى للقضاءؤ ولكنه غير ملزم نظرا لاستقلال القضاء - تفريغ المحاكم للنظر في قضايا المتهمين فوريا


كل القرارات ليها جدول زمني لا يزيد عن ال 10 ايام


فين بقى الاحلام واللا الاستعطاف و اللا مشاريع القرارات !!!
انا مش معارض ان الاعتصام يستمر

لكن السخرية و الاستهانة و الاستهزاء بقرارات هم انفسهم اللي طالبينها

يبقى انا ارجع و اسأل سؤال واحد


ما هي مطالبكم الحقيقية

[د.كمال]

للأسف مش هيعجبهم حاجه ......هما عايزين البلد تبقى فى حاله فوضى وخلاص .
لصالح مين إغلاق قناه السويس
لصالح مين إغلاق طريق السويس العين السخنه
لصالح مين إغلاق مجمع المصالح
عصام شرف عايز يرضيهم بأى طريقه مش عارف ......طب إختار منهم الدكتور غنيم يمسك وزير صحه ورفض وإختار منهم علاء الاسوانى يمسك وزير ثقافه ورفض ........طب الراجل يعمل إيه إذا كنتم رافضين تشتغلوا معاه ........طب عايزين إيه .....طب الحكومه كلها هتمشى بعد 5 شهور إيه لازمه إللى بتعملوه ده ؟؟؟
بصراحه أنا بتكلم مع ناس كتير جداا ....وشايف الشعب بدأ يمل من الناس دى .......وسمعتنا وسمعه ثورتنا خارجيا بقت على كل لسان وبقينا نموزج للفوضى .
أنا رأيى الناس دى تروح بيوتها وتستنى لما الانتخابات الجايه تخلص وننتخب رئيس وتيجى حكومه جديده ومجلس شعب جديد والجيش يرجع لثكناته وكلها 5 شهور ونبدأحياه جديده وفكر جديد واحزاب جديده وحكومه جديده .
ليه الناس دى كل منتقدم خطوه عايزين يرجعونا ميه .....لمصلحه مين ....كفايه متاجره بمعاناه الشعب وكفايه متاجره بدم الشهدا ..... طب وشهداء الشرطه ليه محدش بيتكلم عنهم .....خلال ال10 أيام الماضيين إستشهد أكتر من 10 ظباط وجنود من الشرطه من البلطجيه ومن المهربين على الحدود ومن الانفاق .....ليه محدش جاب سيرتهم ولا دول يهود ......................... ..............لك الله يامصر

[د.كمال]

خد عندك الخبر الطازه ده من العريش
تفجير خط الغاز للمره الرابعه بالقرب من العريش وتفجير محطه الغاز الرئيسيه بالعريش
لمصلحه مين ده ......مش كل ده إستنزاف لمواردنا
لسه مخلصين تصليح الخط إللى إنضرب من اسبوعين
12 الف شقه بالعريش شغاله على الغاز ده ...........لمصلحه مين