فيرنا فيفا .. !!

[ahmed hamdy]

يا جماعة رأيكوا ايه فى الفيرنا فيفا ؟؟
لو حد معاه العربية يا ريت يقولنا تقييم عنها وخاصة من ناحية:
1- توافر قطع الغيار وأسعارها
2 - هل هى عالية عن الأرض ولا واطية وبتحك وخاصة لو حد قاعد ورا ؟
3- الاعتمادية ومدى التحمل.
4- لو جبتها هاف أوبشن ينفع أركبلها الحاجات الناقصة بدون ما تخرج من الضمان ؟

أنا بفكر بينها وبين الرينو لوجان ومحتار جدا بصراحة .. !!!

[AHMEDCAR]

بالنسبه لقطع الغيار متوفره جدا جدا جدا و خصوصا لان موتورها شبيه للموتور بتاع الاكسنت 1500

العربيه ارتفعها كويس

بالنسبه للاعتماديه ممتازه

ينفع تركبلها الحاجات الناقصه عند عشم نوار وبالتالى مش هاتخرج من الضمان

انا مش بحب اللوجان علشان قطع غيرها غاليه غير كده عاوزه التوكيل على طول للصيانه مافيش حد بيفهم فى الرينو اوى بره التوكيل

[islam_galal]

مش حاقدر افيدك بتجربة عملية لكن الفيفا احدي موديلات هيونداي أكسنت و ترتيبهم كالتالي (من هيونداي العالمية)

- الهيونداي أكسنت موديل 99 و 200 (منشرة في مصر و نزلت أولا بموتور 1500 ثم 1300)
- فيفا و هي موديلات أكسنت 2001 و 2002 تقريبا
- فرنا و هي موديلات أكسنت 2003 و 2004 و 2005 تقريبا
- أكسنت 2 من 2006 و طالع

كل الموديلات دي بره اسمها أكسنت مع اختلاف سنة الصنع و طبعا الموديل الأحدث بيتم في تلافي مشاكل من الموديل الأقدم

بمعني ان فيرنا هي أكسنت موديل أحدث من فيرنا (أكسنت برضه)

و بالتالي الأحدث أكيد أفضل (يا ريت تكون فهمت حاجة من الكعبلة دي)

من وجهة نظر أخري السوق هو المحك الرئيسي لملائمة العربية لظروف التشغيل في مصر و بكده الفيرنا تكسب

[ahmed hamdy]

المشاركة الأصلية كتبت بواسطة AHMEDCAR بالنسبه لقطع الغيار متوفره جدا جدا جدا و خصوصا لان موتورها شبيه للموتور بتاع الاكسنت 1500 العربيه ارتفعها كويس بالنسبه للاعتماديه ممتازه ينفع تركبلها الحاجات الناقصه عند عشم نوار وبالتالى مش هاتخرج من الضمان انا مش بحب اللوجان علشان قطع غيرها غاليه غير كده عاوزه التوكيل على طول للصيانه مافيش حد بيفهم فى الرينو اوى بره التوكيل

متشكر جدا لحضرتك يا أستاذ أحمد ..

طيب معلش أنا بفكر ما بين الفيفا والـ I10 .. حضرتك رأيك ايه ؟؟

[ahmed hamdy]

المشاركة الأصلية كتبت بواسطة islam_galal مش حاقدر افيدك بتجربة عملية لكن الفيفا احدي موديلات هيونداي أكسنت و ترتيبهم كالتالي (من هيونداي العالمية) - الهيونداي أكسنت موديل 99 و 200 (منشرة في مصر و نزلت أولا بموتور 1500 ثم 1300) - فيفا و هي موديلات أكسنت 2001 و 2002 تقريبا - فرنا و هي موديلات أكسنت 2003 و 2004 و 2005 تقريبا - أكسنت 2 من 2006 و طالع كل الموديلات دي بره اسمها أكسنت مع اختلاف سنة الصنع و طبعا الموديل الأحدث بيتم في تلافي مشاكل من الموديل الأقدم بمعني ان فيرنا هي أكسنت موديل أحدث من فيرنا (أكسنت برضه) و بالتالي الأحدث أكيد أفضل (يا ريت تكون فهمت حاجة من الكعبلة دي) من وجهة نظر أخري السوق هو المحك الرئيسي لملائمة العربية لظروف التشغيل في مصر و بكده الفيرنا تكسب

شكرا يا أستاذ إسلام ..
بس أنا بصراحة مش عاجبانى الفيرنا المصرى .. ومش فارقة أوى حكاية الموديل الأحدث .. المهم تكون العربية تقفيلها وأدائها كويسين ..ا