لو عملت عربيية ( جمعتها يعنى ) ينفع امشى بيها ؟ او ارخصها وللا اية ؟؟؟

[abdallah91]

السلام عليكمة ورحمة الله وبركاته
يا رجال مصر الاوفياء
يا شباب مصر المخلصين
يا ابناء هذا الوطن العزيز
بعد النظر لدخل ابناء مصر ومتطلبات الحياة الضرورية التى يغلو ثمنها يوما بعد يوم
ونظرا لارتفاع اسعار السيارات ما تعتبرة الحكومة رفاهية و اللى عاوز يجيبها يبقى فافى
وتركنا نركب ميكروباصات واتوبيسات اغلبها يعمل منذ ان كان جدى تلميذ فى KG1
وان فكرت تجيب مستعمل تجيب عربية تعبانة من ايام ما كان جدى فى ابتدائى وبسعر عالى( طبعا المصاريف ولعة العربية بتفطر وتتغدى وتتعشى فلوس )
فانا قلت ممكن نعممل حاجة تريحنا وتهون علينا القصة وبسعر معقول نسبيا
نجيب بارات حديد من اللى هى على شكل مستطيل مجوف من الداخل ونعمل شاسية لجسم العربية ونقفلها بالصاج طبعا هيراعى الشكل الجمالى شوية مش هعمل علبة سالمون ماشيةفى الشارع لاة هتبقى شكلها حلو برضة وقمنا جايبين موتور اتنين سلندر وحبة حاجات عن الحداد علمنالها عفشة
وظبطناها وهى لفرد واحد وفيها شنطة واسعة شوية بالنسبة لحجمها
هل ينفع امشى بيها فى الشارع وللا هيطلعلى بتاع المرور من تحت اول مطب يقولى مش مترخصة وياخدها وسين وجيم ولو روحت ارخصها هينفع وللا لاة ولية واشمعنى ؟؟؟

[tareksakr]

للاسف مش هينفع والا كانت ناس كتير جمعت عربيات ومشيت بيها وسهل جدا ان اي حد يجيب نصين استيراد لاي عربية ويلحمهم ويبقي معاه عربية محترمة بنص تمن عربية زيها بالظبط

[Neo206]

المشاركة الأصلية كتبت بواسطة tareksakr للاسف مش هينفع والا كانت ناس كتير جمعت عربيات ومشيت بيها وسهل جدا ان اي حد يجيب نصين استيراد لاي عربية ويلحمهم ويبقي معاه عربية محترمة بنص تمن عربية زيها بالظبط

: 12BF86~159:لا عجبه كده و لا كده

[abdallah91]

لا عجبه كده و لا كده

مش فاهم قصدك اية

[mik]

المشاركة الأصلية كتبت بواسطة tareksakr للاسف مش هينفع والا كانت ناس كتير جمعت عربيات ومشيت بيها وسهل جدا ان اي حد يجيب نصين استيراد لاي عربية ويلحمهم ويبقي معاه عربية محترمة بنص تمن عربية زيها بالظبط

يا باشا التجميع غير الصنع
انك تصنع عربية وتكون لها شكل انت الي عاملة دي ممكن تتثبت تقريبا لان واحد عمل كدا في طنطا عمل عربية علي شكل العربيات القديمة اوي وظبطها وراح رخصها بس بصراحة مشفتش الموضوع دا بنفسي بس ناس كتير قالتهولي