نفسى فى حد يعملى مقارنه بين الاتوماتيك والمانول للفيرنا

[mohamedhendawy]

السلام عليكم
انا كنت كاتب موضوع بسئلكم فيه اشترى ايه محتار جدا اتوماتيك ولا مانول بالنسبه للفيرنا

ونفسى فى حد يعمل مقارنه بين الاتوماتيك والمانول خصوصا ان دى اول عربيه هاشتريها فى حياتى

انا قولت اسئل فى التوكيل على سعر الفتيس كامل واتصلت بيهم قالولى ب 22 الف بتاع الفيرنا الاتوماتيك و الفتيس المانول 15 الف جنيه جديد طبعا رقم يخض فى حاله بوظان الفتيس الاتوماتيك ده يعتبر عربيه تانيه لوحده صغيره

دلوقتى عايز اعرف رايى الناس اللى سايقين الفيرنا الاتوماتيك رايهم ايه فيه بجد وعاملين بيه كام الف كيلو بيه وايه المشاكل اللى صادفتهم او اللى سمعوا عنها
انا بينى وبينكم نفسى فى الاتوماتيك بس خايف اجيبه افرح شويه ويقرفنى بعد كده فى تصليحه لو لقدر الله حصله حاجه بعد الضمان

وهل اصلا فى حد سمع عن بوظان فتيس كامل لدرجه انه يغيره ولا فى حاجات معينه بتبوظ وحاجات لا وبتتطلب تغيره وامتى الواحد يغير فتيس كامل


وفى الاتوماتيك هل مثلا فى حاجات معينه بتحصل فيه وبتتصلح عادى ويتفك الفتيس ويتصلح ولا اى حاجه تحصل فيه بيترمى ويتجاب غيره جديد ياريت ياجماعه حد يطمن قلبى قبل ما اشترى

[memodina1]

يا عم انت مخوف نفسك لية وهيبوظ لية بس طالما انت محافظ علية وكلة بامر الله بص الفرق مفيش اى فرق غير دى مانيوال جنوط 13 ودى اتوماتيك جنوط 14 بس كدة شكرا
انا معايا المانيوال وعادى بخليها على الله واللى عايز صيانة بعملة وبخلى بالى من اى صوت غريب مش طبيعى وخد بالك بعد الشر عنك وعن اى حد تانى يارب وكل الناس ممكن واحد يجيب عربية ويعمل حادثة ويخسر اكتر من نصف تمنها ساعتها هيقول لية اشتريتها كنت جبت ارخص لاة دا قضاء الله وقدرة ولا راد لقضاء الله
بالنسبة لراى فى الفيرنا الاتوماتيك طبعا اهم ما يميزها انة نفس فتيس الماتريكس بالضبط والماتريكس مع واحد صديقى عاملة 150 الف كيلو غير اساسيات فية وطبعا مهتم بالزيت اوى والفتيس زى الفل يمكن انعم من المانيوال بصراحة ممتازة انما انا جبت المانيوال لانى بحبة مش اكتر مش خوف من التوماتيك
توكل على الله عربية ممتزة وجميلة وجيب اللى نفسك فية وفكك من اللى يقولك كورى شوف الالنترا عاملة ازاى الوقتى فى الشارع الناس بتبيع الفولكس وبتجيبها الوقتى الالنترا 2012
الكورى عدى ياريس واهم حاجة قطع غيارة فى متناول الجميع توكل على الخالق وصلى استخارة وهات اللى انت عايزة مش اللى الناس عيزاة لانى كلة فية عيوب حتى افخم العربيات صدقنى اسمع كلام نفسك هداك الله للخير
لو عايز تسال على اى حاجة فى الفيرنا من الابرة للماتور انا تحت امرك

[mohamed selem]

المشاركة الأصلية كتبت بواسطة memodina1 يا عم انت مخوف نفسك لية وهيبوظ لية بس طالما انت محافظ علية وكلة بامر الله بص الفرق مفيش اى فرق غير دى مانيوال جنوط 13 ودى اتوماتيك جنوط 14 بس كدة شكرا انا معايا المانيوال وعادى بخليها على الله واللى عايز صيانة بعملة وبخلى بالى من اى صوت غريب مش طبيعى وخد بالك بعد الشر عنك وعن اى حد تانى يارب وكل الناس ممكن واحد يجيب عربية ويعمل حادثة ويخسر اكتر من نصف تمنها ساعتها هيقول لية اشتريتها كنت جبت ارخص لاة دا قضاء الله وقدرة ولا راد لقضاء الله بالنسبة لراى فى الفيرنا الاتوماتيك طبعا اهم ما يميزها انة نفس فتيس الماتريكس بالضبط والماتريكس مع واحد صديقى عاملة 150 الف كيلو غير اساسيات فية وطبعا مهتم بالزيت اوى والفتيس زى الفل يمكن انعم من المانيوال بصراحة ممتازة انما انا جبت المانيوال لانى بحبة مش اكتر مش خوف من التوماتيك توكل على الله عربية ممتزة وجميلة وجيب اللى نفسك فية وفكك من اللى يقولك كورى شوف الالنترا عاملة ازاى الوقتى فى الشارع الناس بتبيع الفولكس وبتجيبها الوقتى الالنترا 2012 الكورى عدى ياريس واهم حاجة قطع غيارة فى متناول الجميع توكل على الخالق وصلى استخارة وهات اللى انت عايزة مش اللى الناس عيزاة لانى كلة فية عيوب حتى افخم العربيات صدقنى اسمع كلام نفسك هداك الله للخير لو عايز تسال على اى حاجة فى الفيرنا من الابرة للماتور انا تحت امرك

افدت والله كل العربيات هتلاقي فيها عيوب ومترميش ودنك للناس شرا العربيات دا نصيب زي الجواز بالظبط . فلازم تخلي صوتك من دماغك ومتعملش الا الي مقتنع بيه وكمان قبل كل دا لازم صلاه استخاره عشان ربنا يوجهنا لما فيه الخير لينا وللامه المسلمه اجمين . ][ اللهم امين ][
توكل علي الله وهات الاتوماتيك وربنا يباركلك فيها ويكفيك شرها

بامانه مشوفتش حد اشتكي من فتيس الفيرنا الاتوماتيك قبل كدا واعرف واحد صحبي معاه فيرنا اتوماتيك بيشكر فيه جدا ومتخوفش نفسك من اسعار الوكيل ومفيش حاجه اسمها فتيس يبوظ واغيره كله ده كلام ولا في الاحلام

سلمها لله وكل شئ هيمشي بسلام بأذن الله وربنا يوفقك لما فيه الخير

[ahmed zawawy]

انا راي انك متجبش عربيه اوتوماتك تبقي كوري لان الاوتوماتك الكوري ضعيف جدا
انا كان معايا نوبيرا اوتوماتك طلعت عيني بلاش كوري وجبت بعد كده فيرنا مانويل ممتازه
لو عاوز اوتوماتيك يبقي ياباني او الماني فقط