يوم صعب فى التوكيل

[karem ali]

فى الاول وحشتونى جدا جدا جدا جدا و انا خلاص خلصت امتحانات و رجعت تانى معاكم لكن انا راجع و زعلان جدا من التوكيل الحكايه انى يوم الخميس جت رساله على الموبيل من هيونداى و ملخص الرساله انى فى فحص شامل على العربيه مجانى و لو التكيف محتاج شحن فريون مجانى و خصم على قطع الغيار 25% انا كبرت دماغى لانى لسه فى حوالى 2000 كيلو على الصيانه القادمه بعد كده جت مكالمه من التوكيل بعد السلام و الذى منه فكرت انى احجز صيانه لانى من قبل الموضوع ده كان الانذار بيعلق و البطاريه من اخر صيانه كانت مليانه ميه غلط فا كانت بطلع ميه على طول و قعده البطاريه باظت الحمد لله قولت فرصه اروح استفاد من العرض و اصلح الانذار و البطاريه فا حجزت يوم السبت 25\6\2011 و اخدت رقم الحجز الساعه 9.30 روحت المركز الساعه 10 متأخر شويه اخت رقم 64 و كانت الساعه 10 قولت مش مشكله انا كده كده مش هعمل صيانه دى حاجات خفيفه دخلت المهندس وصل خير بلغت الاعطال و قولت ليه على العرض الى هو الفحص الشامل و دخلت قعدت فى الاستراحه الخاصه بالعملاء لحد الساعه 2.30 عادى جدا على شان المركز زحمه بعد كده دخلت سألت قالى ياباشا العربيه خلصت روح الخزنه على شان تاخد امر الخروج قولت حاضر روحت و كله تمام نيجى باء عند الاستلام ركنت العربيه عند الباب من جوه على شان اشوف الى حصل فى العربيه قبل ما اخرج من التوكيل لاقيت الحمد لله الانذار اشتغل تمام دى رقم 1 نيجى لرقم 2 الريموت الثانى مش شغال مع انى مبلغ عنه فى امر الشغل و رقم 3 افتح اشوف البطاريه زى ما هى العربيه طول ما هى شغاله البطاريه بتغلى و الميه طالعه باره و نازله فى قلب العربيه طبعا بابا دخل و زعق جوه قام المهندس عمرو من جوه رجع اخد العربيه تانى و دخل بيها جوه قعدت ساعه الاربع كمان و قالى انى كده العربيه تمام جرب اسبوع و لو حصل حاجه تانى تعاله و انا اغير ليك البطاريه كلها و اخدت العربيه و روحت اول ما وصلت البيت اشوف البطاريه زى ما هى الميه بتخرج على طول و دى الحكايه كلها و بجد انا تعبت جدا من الموقف ده و عاوز اعرف ايه رايكم فى الموضوع

[powerofdream]

مبروك اولا علي الاجازة ومبروك ليا لاني لسا مخلص ايضا امبارح و حصل خير وان شاء الله تغيرها علي خير وتكون اخر المشاكل ان شاء الله

[alymonir]

حمد الله على السلامة يا كيمو
عادي جدا
توكيل زباااااااااالة:01964E~163 :

[محمد فيصل]

يا كيمو فى حد يصدق غبور اكبر حرامى ونصاب فى البلد
نصحية لوجة الله :اشترى بطارية جافة جديدة من خارج التوكيل
بعد الكشف على شحن الدينامو لان الطبيعى حتى والبطارية مياة انها متخرجش برة

[kimocyc]

حمدلله على سلامة الرجوع.. وايه كانت اخبار الامتحانات ؟؟

وبخصوص البطارية.. روح واتعلق في زمارة رقبتهم.. هههههههه