استفسارات من الوحوش

[elsheikh2010]

يا جماعة انا لسه مستجد في الزيروومعايا عربية فيرنا 2011 كاملة مصري رحت مرة التوكيل وانا باعمل الصيانة قلت للعامل بصلي على الردياتير راح مدور العربية لحد ما سخنت وفتح غطا الردياتير عشان يشوف التقليب والمروحة شغالة ولا لا وبعدين راح مزود مياه بس من الحنفية قد كوب وهيا دايره وقفل الردياتير وقالي كل حاجة تمام فأنا عايز اسأل الي حصل ده تمام ولالا يعني هو فتح الردياتير غلط لأنى سمعت انه لما الرديايتير يتفتح لازم تسحب الضغط بتاعه وكلام كتير مش فاهمه نسيت أقول لكم سألتمهندس التوكيا على المعلومة ده قال لي كل ده افتكاسات ومش في الكوري خالص يعني عادي تفتح الردياتير بس خلي بالك ماتفتحوش وهو سخن عشان ما ينطرش عليك وكمان لما تزود تزودها وهيا دايره ... ومعلش كمان استفسار وانا عارف اني ضايقتكم انا كل اسبوع باطمن على الزيوت بتاع العربية وعشان علبه زيت الباور غامقة شوية بافتحها عشان اشوف الزيت وصل لحد فين وبأعمل كده مع زيت الفرامل بس بأقفلهم تاني كويس فهل الي باعمله ده غلط اني افتح علب الزيوت ولا لالالا ؟؟؟؟؟؟ معلش انا عارف انها اسأله عبيطة وهايفة بس اع>روني عشان بجد انا دافع كل ما املكه في العربية فعايز تعيش معايا شوية وشكراً

اولا اهلا بحضرتك معانا في المنتدي وان شاء الله تستفاد كويس من المعلومات اللي موجوده

دلوقتي حضرتك بالنسبة للريداتير هو الافضل انك تزوده والعربية دايرة

ثانيا هو زود الريداتير ليه عربيتك تقريبا زيرو

انا من يوم ماشتريت العربية من 3 سنين مفتحتش الريداتير والتزويد بيكون عن طريق القربه

والمفروض يذودلك الريداتير ميه خضر علشان الميه العادية متعملش صدا في الريداتير

بالنسبة لموضوع انك تفتح علب الزيوت غير مستحب علشان ميدخلش تراب جوا العلبة وكمان ميدخلش هوا

وربنا يسترها عليك ويديك خيرها ويكفيك شرها

[elsheikh2010]

طيب المياه الخضراء هل ليها نسب معينة للفيرنا ولا اي نوع من أنواع المياه الخضراء

افضل الانواع هو موبيل وان والنسبة بتتقاس في القربة اخرك علامة الماكس max في القربة لكن الريداتير بيتملي علي اخره

[elsheikh2010]

طيب يا أخي انا عارف اني صدعتك المياه الخضراء هل ليها نسب تركيز معينة للفيرنا ولا اي مياه خضراء والسلام