عربيتى مش عارف اظبطها خالص بس زى مانا عايز

[mody112]

السلام عليكم ورحمة الله
انا معايا جولييت 2 موديل 2000 كاملة العربية فيها صوت غريب جدا بسمعه وانا فى الصالون وخصوصا وانا قافل الزجاج كله الصوت ده زى ما يكون ونة ودى بتبان كل ما السرعة تزيد وروحت لميكانيكى قالى بلى العجل وغيرته كله للاربع عجلات وللاسف الصوت زى ما هو وروحت لواحد تانى قالى ممكن يكون من الفتيس فهل الكلام ده صح ولا لا ؟
الحاجة التانية برده فى صوت بس مش هعرف اوصفه بالظبط هو بيبان مع تهدية السرعة ( ادوس فرامل ) وياخذ فى الاختفاء الى ان تقف العربية وهو زى مايكون سير شغال فى اوتوبيس ومع التهدية هو كمان بيهدى ولكن بصوت عالى نسبيا وبحس بالصوت ده جوة العربية مع صوت خشونة وكانه طنين او حاجة زى كدة مش عارف قدرت اوصف ولا لا ؟
الحاجة التالتة انى وانا ماشى بالعربية وكان الاسفلت مكسر شوية او شوارع مش مسفلتة بسمع صوت زى التنقير ( نقر ) وهو صوت مزعج جدا وبسمعه فى الجانب الشمال عالى جدا وروحت للعفشجى وقالى كله تمام بس ده ممكن يكون من علبة الدركسيون وروحت لمعروف وكشفت عند الاطرش قالى كله تمام ومش عارف الصوت ده اخرته ايه وهو هيجننى
ياريت يا رجالة المنتدى اللى عنده اى معلومة تساعدنى فى القضاء على هذه المشاكل يجاوبنى على طول لان العربية من غيرالحاجات دى اهتتظبط اخر حاجه .
وشكرا واسف على الاطالة وفى انتظار الردود

[hamaad]

الحاجة التانية برده فى صوت بس مش هعرف اوصفه بالظبط هو بيبان مع تهدية السرعة ( ادوس فرامل ) وياخذ فى الاختفاء الى ان تقف العربية وهو زى مايكون سير شغال فى اوتوبيس ومع التهدية هو كمان بيهدى ولكن بصوت عالى نسبيا وبحس بالصوت ده جوة العربية مع صوت خشونة وكانه طنين او حاجة زى كدة مش عارف قدرت اوصف ولا لا ؟
يلى العجل الشمال واليمين بدون نقاش لانى نفس صوت حصل فى سيارتى كيا برايد وغيرته رومان بلى شمال فاختفى الصوت روح لعفشجى كويس ده الحل لمشكلة الاولى والثانية واما المشكلة الثالثة ما حصلتش فى عربيتى ودمت فى رعاية الله

[memodina1]

بص وعن ثقة وانا عارف بقولك اية انا اللى اعرفة هى حكاية الدبدبة اللى فى الاسفلت المكسر شوية
من الاخر العيب هى الخزنة بتاعت الفرامل خلى الراجل يفكها ويلف شيكرتون عليها وعلى المسمار اللى بيربطها يلف طبقة واحدة بس خد بالك طبقة واحدة بس مش يحشى شكرتون لاة هقول تانى طبقة واحدة بس بس فى المسمار اللى ماسك الخزنة والمسمار اللى رابط الخزنة ودا مفكوك عشان تفك الخزنة خالص اى استفسار فى الموضوع دا بالذات قولى ولو عايزنى اجى اعملهالك قولى مكان قريب منك واعملها ليك ونتقابل وانا فى خدمتك اما الباقى فانا شاكك فى شوية حاجات كدة بالنسبة للطنين والصفارة وكدة بص انا شاكك مش متاكد زى اللى فوق انها بلية دبرياج ودة رخيصة جدا وسهل تغييرها وبصراحة انا شاكك فيها اوى اوى
معلش هقولك تانى يلف الشيكرتون لفة واحدة بس ارجوك مرة واحدة على المسمارين بتوع الخزنة يفكها خالص لحد ما تتعلق فى الخرطوم الزيت ويلف على المسمارين واحد راكب فى الماستر نفسة وواحد تانى بيتفك عادى ويطلع فايدك وربنا يكرمك فى تصليحها

[mody112]

المشاركة الأصلية كتبت بواسطة hamaad الحاجة التانية برده فى صوت بس مش هعرف اوصفه بالظبط هو بيبان مع تهدية السرعة ( ادوس فرامل ) وياخذ فى الاختفاء الى ان تقف العربية وهو زى مايكون سير شغال فى اوتوبيس ومع التهدية هو كمان بيهدى ولكن بصوت عالى نسبيا وبحس بالصوت ده جوة العربية مع صوت خشونة وكانه طنين او حاجة زى كدة مش عارف قدرت اوصف ولا لا ؟ يلى العجل الشمال واليمين بدون نقاش لانى نفس صوت حصل فى سيارتى كيا برايد وغيرته رومان بلى شمال فاختفى الصوت روح لعفشجى كويس ده الحل لمشكلة الاولى والثانية واما المشكلة الثالثة ما حصلتش فى عربيتى ودمت فى رعاية الله

الله يخليك يا ولكن بلى العجل انا غيرته كله للاربع عجلات ومن فترة قريبة جدا ممكن يكون باظ تانى ولا ايه

[mody112]

المشاركة الأصلية كتبت بواسطة memodina1 بص وعن ثقة وانا عارف بقولك اية انا اللى اعرفة هى حكاية الدبدبة اللى فى الاسفلت المكسر شوية من الاخر العيب هى الخزنة بتاعت الفرامل خلى الراجل يفكها ويلف شيكرتون عليها وعلى المسمار اللى بيربطها يلف طبقة واحدة بس خد بالك طبقة واحدة بس مش يحشى شكرتون لاة هقول تانى طبقة واحدة بس بس فى المسمار اللى ماسك الخزنة والمسمار اللى رابط الخزنة ودا مفكوك عشان تفك الخزنة خالص اى استفسار فى الموضوع دا بالذات قولى ولو عايزنى اجى اعملهالك قولى مكان قريب منك واعملها ليك ونتقابل وانا فى خدمتك اما الباقى فانا شاكك فى شوية حاجات كدة بالنسبة للطنين والصفارة وكدة بص انا شاكك مش متاكد زى اللى فوق انها بلية دبرياج ودة رخيصة جدا وسهل تغييرها وبصراحة انا شاكك فيها اوى اوى معلش هقولك تانى يلف الشيكرتون لفة واحدة بس ارجوك مرة واحدة على المسمارين بتوع الخزنة يفكها خالص لحد ما تتعلق فى الخرطوم الزيت ويلف على المسمارين واحد راكب فى الماستر نفسة وواحد تانى بيتفك عادى ويطلع فايدك وربنا يكرمك فى تصليحها

الله يخليك ولكن انت قصدك على الخزنة البلاستيك اللى بيتفضى فيها الزيت الباكم ولا حاجة غيرها ؟؟؟؟؟؟؟؟؟؟؟؟؟؟؟؟؟