نصيحه قبل شراء رينبو 97

[mohamed nazzal]

السلام عليكم يا شباب
بسببكم وتحديدا استاذ بوب الجامد انا قررت اشتري رينو رينبو موديل 97
بعد ما هريت الشباب مواضيع عن مقارنات السيارت...اصلا لسه لاغي ميعاد شراء سيفيا 1 كنت رايح اشتريها خلاص لولا ولاد الحلا هنا وفي منتدي اخر دلوني علي ان قطع غيارها نادره جدا وغاليه جدا
انا ادامي اتنين
واحده 19 موديل 93 بس طلمبه الباور والتكييف بايظين ورشه بره ودي ب 24 الف
والتانيه رينبو 97 فبريقه ونضيفه جدا والراجل قلفش علي 29
انا ميال اكتر للرينبو
هل السعر ده كويس وللا غالي بزياده حتي لو نظيفه
وهل اسعار قطع غيارها اللي في الموضوع الرائع للاخ بوب الجامد مازالت في تفس الرنج وللا عدت

وهل في أمل اني الاقي ميكانيكي غير اللي في عين شمس يفهم فيها وللا لازم اروح عين شمس
ياريت يا جماعه تقدموا لي ما تستطيعون من نصائح ومن مراجعه علي اماكن قطع غيارها وكده
والف الف شكر ليكم وجزاكم الله خير
وتحيه وشكر خاص لاستاذ بوب
عايز اتصل بيك ومحرج منك ....فهل في امكانيه للاتصال بيك اذا احتاجت مشورتك في شئ اذا ربنا جعلها من نصيبي
جزاكم الله خيرا جميعا

[mig44n]

ومعلش برضه شويه اسئله لانى بفكر فى رينو 19....
انا حطيت الرد ده فى موضوع قطع غيار الرينبو وال 19
انا كنت بفكر فى الرينو 19 او الرينبو يعنى هم فى رينج الاكسيل والاكسنت والتمبرا والفليشيا.....
وشايف ان الرينو ال19 او الرينبو اشيكهم سواء من بره او من جوه....
وبعدين حماله اسيه عن الاكسل والفليشيا يمكن تكون فى قوه التمبرا ....
بس فى قطع غيار فيها غاليه زى الطنابير والكبالن....مقارنه بالعربيات الى من نفس فئتها وكمان موضوع ان ناس بس معينه هى الى بتشتغل فيها !!!!

طيب هو تكييف الرينبو او ال 19 حلو يعنى ثلاجه ولا؟؟؟

بس بصراحه انا كل العربيات الى بشوفها سواء رينبو او 19 بتكون حالتها حلوه من بره بس وصالون وده دليل انها حماله اسيه ومبتدبهدلش بسرعه ...
وبعدين هى جرايه بالنسبه للموتور ال 1300 او 1400 ولا ؟؟؟؟
وصوت الموتور جوه الكابينه عالى ولا واطى ولا مش مسموع ؟؟؟
العفشه بتاعتها والابواب والاسكاترا بيعملو اصوات ودبدبه ولا لا ؟؟؟
ممكن يركب لها مواتير رينو تانيه غير ال 1300 وال 1400 بتوعها ؟؟؟؟!!!
فى ابواب ورفارف استيراد وكبوت وشنطه ونص امامى وخلفى كتير ولا حاجتها نادره ؟؟؟
الكهرباء بتاعت العربيه على ابلاتين وكوندنسر ولا الكترونى ؟؟؟؟

معلش اسئله كتير بس هتفرق طبعا .....
ياريت حد يجاوبنى

[POP EL GAMED]

المشاركة الأصلية كتبت بواسطة mig44n ومعلش برضه شويه اسئله لانى بفكر فى رينو 19.... انا حطيت الرد ده فى موضوع قطع غيار الرينبو وال 19 انا كنت بفكر فى الرينو 19 او الرينبو يعنى هم فى رينج الاكسيل والاكسنت والتمبرا والفليشيا..... وشايف ان الرينو ال19 او الرينبو اشيكهم سواء من بره او من جوه.... وبعدين حماله اسيه عن الاكسل والفليشيا يمكن تكون فى قوه التمبرا .... بس فى قطع غيار فيها غاليه زى الطنابير والكبالن....مقارنه بالعربيات الى من نفس فئتها وكمان موضوع ان ناس بس معينه هى الى بتشتغل فيها !!!! طيب هو تكييف الرينبو او ال 19 حلو يعنى ثلاجه ولا؟؟؟ التكييف كويس مش بقوه تكييف اللانوس مثلا بس تكييف كويس تقدر تقول متوسط لا هو تلاجه ولا هو تعبان بس بصراحه انا كل العربيات الى بشوفها سواء رينبو او 19 بتكون حالتها حلوه من بره بس وصالون وده دليل انها حماله اسيه ومبتدبهدلش بسرعه ... وبعدين هى جرايه بالنسبه للموتور ال 1300 او 1400 ولا ؟؟؟؟ طبعا الموتور ال1400 الاينرجى افضل وبيجرى كويس جدا وصوت الموتور جوه الكابينه عالى ولا واطى ولا مش مسموع ؟؟؟ صوت الموتور بالنسبه لل1400 الاينرجى واطى ومقبول لما بتقرص صوت ال1300 اعلى لانه كاتينه جنزير العفشه بتاعتها والابواب والاسكاترا بيعملو اصوات ودبدبه ولا لا ؟؟؟ لا ممكن يركب لها مواتير رينو تانيه غير ال 1300 وال 1400 بتوعها ؟؟؟؟!!! بيركبلها مواتير كتير وممكن تسقط موتور ميجان 1 1600 فى ابواب ورفارف استيراد وكبوت وشنطه ونص امامى وخلفى كتير ولا حاجتها نادره ؟؟؟ كل حاجه موجوده الكهرباء بتاعت العربيه على ابلاتين وكوندنسر ولا الكترونى ؟؟؟؟ اسبراتير الكترونى معلش اسئله كتير بس هتفرق طبعا ..... ياريت حد يجاوبنى

ارجو ان الاجابه تكون كافيه ليك يا باشا
وتشرفنى باتصالك واستفساراتك فى اى وقت

[mig44n]

المشاركة الأصلية كتبت بواسطة POP EL GAMED ارجو ان الاجابه تكون كافيه ليك يا باشا وتشرفنى باتصالك واستفساراتك فى اى وقت

ربنا يكرمك ياباشا وشكرا على رد حضرتك ....
وبأذن الله لو فى حاجه عايز اعرفها هتواصل معاك على طول ....