الابواب فى السيارات...

[saasaa29]

لو سمحت انا معايا عربيه a113 وكان عندى مشكله ان فى بابين كده تقال عندى اوى لزم ارزغ الباب عشان يتأفيل فيريت لو حد عارف اى حاجه ممكن اعملها او اشتريها يكون ليه جزيل الشكر
مع العلم انا جبت مزيل الصدأ ده بس شبه معملش حاجه
وشكرااا جدااا ليكم....

[Kemo Kono]

.... عموما انت جرب تغسلها كويس ؟؟
خد العربية و روح بنزينة فيها غسيل ... قولهم عايز اغسل رفارف ... هتدفع بتاع 3 جنيه و 2 جنيه قهوة للراجل بالكتير اوى ... اكسر العجل و خليه يغسل لك العفشة و الاجهزة ... كل ده مش مهم
افتح له الباب المطلوب او ممكن كل الابواب .. و قوله اغسل لى حجر الباب ( جوف الباب - الحلق و المفصلات يعنى ) و هيغسلك العفشة و الاجهزة و الرفارف و الابواب ... المفروض تلاقى الباب احسن و بالمناسبة هتحس بفرق ف العفشة و الدركسيون هيتظبط ( ده لو انت مغسلتش العفشة من فتره ) ... لو متظبطش روح لاى ميكانيكى معرفة او بتاع ظبط ابواب و خد منه المزيته و حط شوية زيت ع المفصلات و ابتدى حرك الباب لبره و جوه .. لبره و جوه و حط كمان شوية و حرك تانى ... و هكذا للابواب كلها و ممكن تحط شوية زيت قليلين للطبلة بتاعت الباب ( اللى ف قايم الباب -اللسان ) ... كل ده مش هيكلفك خالص ......

يعنى باختصار اغسل الباب و مفصلاته بضغط ميه عالى زى اللى ف البنزينة ....

و لو متظبطش روح زيت الباب ....
لو محصلش تغيير ايجابى ( بس صعب اوى متحسش بفرق ) روح لبتاع ظبط ابواب و زجاج و خليه يشتغل و يشوف فى ايه ....

بس خلى بالك و حاول تقيم اللى عمله و متديلوش كتير ... لو ظبطه بس يبقى 10-20 جنيه لتزييت و تنضيف الابواب كلها
اغسل بس الاول و شوف
و طمننا عليك بقى يا باشا : HAPPY_~211::f un_36_3_1[1]:

[مصطفى عبد الوهاب]

لو العربية جديدة ما تعملش فيها أى حاجة
هى هاتنعم لوحدها مع الوقت
كل موديلات الاسبرانزا كده

[أشرف صبرى]

لو العربيه لسه جديده استنى شويه
و لو مارحتش لوحدها روح توحه هوا مسئول يحلهالك

[saasaa29]

المشاركة الأصلية كتبت بواسطة Kemo Kono .... عموما انت جرب تغسلها كويس ؟؟ خد العربية و روح بنزينة فيها غسيل ... قولهم عايز اغسل رفارف ... هتدفع بتاع 3 جنيه و 2 جنيه قهوة للراجل بالكتير اوى ... اكسر العجل و خليه يغسل لك العفشة و الاجهزة ... كل ده مش مهم افتح له الباب المطلوب او ممكن كل الابواب .. و قوله اغسل لى حجر الباب ( جوف الباب - الحلق و المفصلات يعنى ) و هيغسلك العفشة و الاجهزة و الرفارف و الابواب ... المفروض تلاقى الباب احسن و بالمناسبة هتحس بفرق ف العفشة و الدركسيون هيتظبط ( ده لو انت مغسلتش العفشة من فتره ) ... لو متظبطش روح لاى ميكانيكى معرفة او بتاع ظبط ابواب و خد منه المزيته و حط شوية زيت ع المفصلات و ابتدى حرك الباب لبره و جوه .. لبره و جوه و حط كمان شوية و حرك تانى ... و هكذا للابواب كلها و ممكن تحط شوية زيت قليلين للطبلة بتاعت الباب ( اللى ف قايم الباب -اللسان ) ... كل ده مش هيكلفك خالص ...... يعنى باختصار اغسل الباب و مفصلاته بضغط ميه عالى زى اللى ف البنزينة .... و لو متظبطش روح زيت الباب .... لو محصلش تغيير ايجابى ( بس صعب اوى متحسش بفرق ) روح لبتاع ظبط ابواب و زجاج و خليه يشتغل و يشوف فى ايه .... بس خلى بالك و حاول تقيم اللى عمله و متديلوش كتير ... لو ظبطه بس يبقى 10-20 جنيه لتزييت و تنضيف الابواب كلها اغسل بس الاول و شوف و طمننا عليك بقى يا باشا : HAPPY_~211::f un_36_3_1[1]:

شكراا جدااا على اهتمام حضرتك
هوا انا معرفش ايه موضوع غسيل الرفارف ده مش لما يغسل العربيه من تحت وكده بالميا اسمع انوه غلط لازم زيت وكده !!! وبعدين حضرتك قولتلى ده هيغسل الاجهزه هيغسل كل ده بميا!! مش الموضوع مخيف شويه؟؟ انا عموما بغسل فى الوطنيه ديما بس عمرى معملت كده ومره غسلت موتور و غسلت عفشه من تحت بس كان بميا وزيت وانا اصلا العربيه لسه مكملتش 20000 فأيه رد حضرتك ؟؟؟