بونتو ولا افيو ولا لانوس

[al-saadany]

السلام عليكم يا جماعه
ياريت يا جماعه تفيدونى لانى والله تعبت حاسس ان الناس كلها بتنصب عليا
بصو انا مستعد اجيب عربيه فى حدود 75 وبعد اما كنت قررت اجيب البونتو كلاسيك بعد ما كل الناس شكرت فيها هنا فى المنتدى وتقريبا كل الناس فضلوها على اللانوس والفيرنا والافيو
الاقى الناس بتاع الاجانسات كلهم عمالين يشتمو فيها وتخيلو ان ولاد اللذينه يقولو على الفيرنا بتاعه الحوادث انها احسن من البونتو :S
ويقولى دى مش ثابته وخد i10 احسن , بقى البونتو مش ثابته والـi10 هى الى ثابته :S
المهم الحقيقه انا متحير بين البونتو والافيو واخيرا اللانوس
عارف ان فى فروق بين التلت عربيات وانهم ميتقارنوش ببعض
بس انا عاوز عربيه مش لازم موتورها كبير لتلت افراد ممكن اسافر كل شهر مره
لكن الاهم انها تكون محترمه ومتينه وتستحمل ومتفتحش بقها بدرى ومش بتاعه مشاكل

مع العلم انى لسه الحمد لله جايب لانسر زيرو 1600 بس شايلها للمناسبات :D
لكن التانيه دى عشان مشاوير البيت وممكن اسافر بيها مره فى الشهر او حتى كل شهرين مره
ياريت تفيدونى يا جماعه
لان التجار بتوع السيارات دول بحس ان كل واحد عاوز يبيع العربيه الى عنده لدرجه انى وانا بجيب اللانسر تخيلو اعدو يقولو لى دى مش يابانى وخدلك كروز احسن :S :S
ياريت بسرعه يا رجاله

[shady shado]

من وجه نظري المتواضعه الافيو واللانوس دول عربيات عايزه استخدام خفيف خالص لان الاتنين نفس الموتور تقريبا ونفس العفشه الخفيفه اللي مابتستحملش وانا مجربهم الاثنين والثبات علي الطريق مش اد كده خصوصا الافيو من 120 بتعوم علي الطريق ام اللانوس ف ثابته شويه عشان واطيه علي الارض لكن البونتو حلوه بس قطع غيارها غاليه وسمعت انها مش موجوده الا في التوكيل عشان كدا انا ما جبتهاش بالاضافه الي انها مش اي حد بيشتغل فيها يعني لازم الصيانه تبقي في التوكيل لكن بما ان حضرتك حاجيبها زيرو مش حايبقي فيها مشاكل انشاء الله في قطع الغيار

[Eng.Ahmed Wagdy]

من وجه نظري رينو لوجان

[atef_5005]

انا من راي انك بدل ما كنت تجيب عربيه للمشاوير و عربيه للشياكه
كنت تجيب عربيه وحده افخم شيك و تستحمل المشاوير (باسات - اوكتافيا - جيتا )
علي العموم البونتو عربيه محترمه اوي اوي و لاتقارن باللانوس و لا الفيرنا و لي اكتر من صديق معاهم العربيه دي و بيشكرو فيها اوي