|
#1
27-05-2011, 04:50 AM
|
|||
|
|||
القول الفصل فى جيتا 2011 لأنى اتجننت !!!
يا جماعة القصة كالآتى :: أنى رحت ادور على عربية لأبويا ولقيتله كيا كارينز كاملة هاى لاين مصرى ب 132000 وخلاص الراجل كتب الورق وكل حاجة لوما رحت انا وابويا تانى فشاف الجيتا واقفة فسأل الراجل قاله ايه دى ؟ فرد الأستاذ دى يا باشا فولكس المانى 100% وحتى شوف الصاج بتاعها والتقفيل كمان والوسع من جوه والامكانيات ده حتى نازل عليها عرض وبقت ب 160000 بس بعد ما كانت ب 170000 دى الفئة الأولى فقام ابويا قايل للراجل توكلنا وعلى البركة ادفع 30000 زيادة بس اركب حاجة المانى بعمر الكورى مليون مرة ! وده اللى حصل واتحجزت الجيتا يا جدعان !!!
وبقالى اسبوع بقابل ناس كل يوم ولما اسألهم على الجيتا تكون الإجابات كالآتى :: 1-يا عم ليه كنت تجيبلك سكودا حلوة واديها عاليه عن الأرض والتارة بتاعتها مالتى فانكشن وبنفس السعر 160000 2-يا عم العربية دى واطية جدا وبتحف فى كل المطبات كنت تجيبلك سكودا احسن 3-يا عم العربية دى قطع غيارها غاليه اوى كنت تجيبلك سكودا احسن وادى قطع غيارها غالية ومنتشرة واحسن وماشية فى السوق 4-يا عم بالسعر ده كنت تجيبلك سيفيك حلوة وموتور أقوى وحلوة على الطريق وامكانياتها احسن 5-يا عم العربية دى فيها عيب خطير فى الفتيس والناس بتشتكى منه واللى اشترى العربية باعها ومعجبتوش !! طب ليه يا جدعان ايه العيب بالضبط ؟؟ يقولى والله ما اعرف بالضبط بس الناس كلها بتقول عليها كده !!!!!!!!!!!!!! 6-يا عم كنت زود شوية وحاتلك الجيتا الهاى لاين بس الخليجى مش المصرى 7-يا عم كنت استنى شهرين وهات الجيتا 2012 .. وهكذا قد تاه جحا فى المدينة وكرهت العربية من قبل ما اركبها حتى ولا استمتع بيها !!! فأرجو من السادة النصيحة لأنى لازم اقرر على يوم الأحد علشان اكلم الراجل لأنه مستنينى ؟؟؟ وشكرا 
|
|
#2
27-05-2011, 06:14 AM
|
|||
|
|||
|
رد: القول الفصل فى جيتا 2011 لأنى اتجننت !!!
بص ياسيدي اولا انا اقولك الجيتا مفيهاش حاجه في القتيس ولا حاجه بس بتاكل كاوتش باستمرار ومكنش عندي عيب في عربيتي عشان محدش يرد يقول زوايا كنا انا وواحد صاحبي كده ده العيب مع انها واطيه جدا لكن هي ناعمه وعفشتها جميله وراسيه وركوبه يعني اما الاوكتافيا وفانتزيا معايا دلوقتي تعالي خدها لوعاوز هي حلوه بس لهواه الجري اخرها 190 كم تحس انها عاجزه قابليه الموتور في السرعات العاليه مش حلوه وكمان صوت الموتور مش ناعم زي الاوكتافيا اما الكارينز بلاش خالص شوربه وكراي شخصي لو هتركب الماني يبقي الاوكتافيا لو ملكش في الجري ولو كوري اما او الالنترا او السيراتو وده راي شخصي
|
|
#3
27-05-2011, 06:24 AM
|
||||
|
||||
|
رد: القول الفصل فى جيتا 2011 لأنى اتجننت !!!
والله انا رأيى الاوكتافيا احسن من ناحية الشكل والعلو عن الارض ...
ولكن الكماليات والمواصفات انا شايفها تقريبا واحدة فى الاتنين ........
__________________
رحـــمـــــــــــة الله عـــلــــــيـــــــك يا حــبـيـبـنــــــــا  ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ 
|
|
#4
27-05-2011, 04:20 PM
|
|||
|
|||
رد: القول الفصل فى جيتا 2011 لأنى اتجننت !!!
انا حضرتك اخرى فى اى عربية ركبتها كان 120 وساعات بجرب 140 وده بالانسر اللى معايا يعنى انا مش بتاع جرى الا على طريق مثلا زى الدولى الساحلى بتاع الاسماعيلية او الاسكندرية ... بس لغاية دلوقتى مفيش عيوب جوهرية فى الجيتا غير انها مش عالية عن الأرض وده عيب ممكن تفاديه !!! صح ولا انا غلطان
|
|
#5
27-05-2011, 04:33 PM
|
||||
|
||||
|
رد: القول الفصل فى جيتا 2011 لأنى اتجننت !!!
اسأل كويس عن الفتيس لانى انا فاكر كان فى واحد كاتب موضوع عن الجيتا انه اتطر يبعها او كان حيبعها ب 110 بعد ما كان شاريها ب 170 علشان عيب الفتيس و فى الحرفيين وروله عربيات و فتايس بايظه كتير بس تقريبا المشكلة دى مش فى كل الفئات كانت فى فئه معينه فيا ريت تسأل كويس و يبقى احسن فى الحرفيين قبل ما تجيبها لان حرام دى مش رخيصة
بالصدفه موضوع بيتكلم على مشاكل فتيس ال tsi فى موديلات 2009 بس لاشوا العيوب فى 2010 http://www.masrmotors.com/vb/showthread.php?t=25346
__________________
سبحانك لا علم لنا الا ما علمتنا التعديل الأخير تم بواسطة احمد على 1999 ; 27-05-2011 الساعة 05:05 PM
|
 |
|
|
