|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
|||
|
|||
ارجو المساعدة فى حل المشكلة ديه علشان زهقت !!!
اهلا يا جماعة انا عندى عربية اكسنت موديل 99 1500 سى سى
المشكلة انى العربية كل يوم الصبح تشتغل عادى جدااااااااا بس تمشى عشرة او خمسة عشر دقيقة وتفصل واستحالة تقوم تانى الا بعد ما اسيبها 4 ساعات ولا حاجة وبعدين اشغلها تشتغل برضه 10 دقائق وتفصل روحت لكهربائى قال لى يمكن الطرنبة بايظة شافها لقها شاغلة قالى فى المكشلة فى كهربة الطرنبة صلحها وقالى تمام مشيت بيها شوية وعشره برضه ووقفت مع العلم انى لسه مغير البطارية جديدة والحوار دا ظهر بعدها لكن البطارية مش العيب لانها شغالة تمام وكمان العربية لما بتفصل عادى كل حاجة منوره لكن مش بتقوم جربت ازقها وانتش برضه مفيش روحت لحد يشوف البطارية قالى تمام جبت كهربائى تانى بيقولى ممكن المشكلة تكون فى الحساس وقالى روح اكشف كمبيوتر وانا مش عارف اعمل ايه هل اروح اكشف كمبيوتر هل دا هيقولى السبب وكمان تكلفة الكشف كام وهل حد حصل معاه الحوار دا قبل كدا ياريت اللى يعرف يساعدنى علشان بجد تعبت من العربية ديه (مع العلم العربية مش بتسخن لان المؤشر بتاع السخونة بيبقى طبيعى وهى اصال مش بتلحق تسخن علشان تقف وكمان فى حاجة تانية انا كنت من فترة برضه كنت قفلت العربية وطلعت البيت وبعد كدا نزلت لقيت المروحه شغالة والعربية مطفية روحت لواحد قالى الكتاوت هى اللى معلقة وبعدين شالى الكتاوت وبدلها بالى جنبها وفصلت عادى المروحة وكله تمام وبعدين انا بعد كدا رجعت الكتاوت مكانها وبرضه بقت عادى والمرحة بتفصل مع العلم حوار ان العربية تفصل دى قبل حوار المروحة دا كمان بس مش عارف ليهم علاقة ببعض ولا لا) شكرا وعذرا على الاطالة |
#2
|
||||
|
||||
رد: ارجو المساعدة فى حل المشكلة ديه علشان زهقت !!!
طيب الكهربائى كان جرب و هى فاصلة ان الموبينة بتطلع كهرباء
و هل عندك لمبة شيك فى التابلوه ؟ و هل منوره ؟ و كشف الكومبيوتر بيتراوح ما بين 20 ل 30 جنيه فقط و هل كشف على قاعدة فيوز الكنترول و هل كشف على فيش الكنترول و نضافتها ؟
__________________
سبحانك لا علم لنا الا ما علمتنا |
#3
|
|||
|
|||
رد: ارجو المساعدة فى حل المشكلة ديه علشان زهقت !!!
بص يا باشا اولا انا متشكر على ردك السريع
بس انا عايز اقولك انى حاجهل فى العربية والميكانيكا لانى لسه بسوق من 3 شهور ولا حاجة بالنسبة للموبينة انا معرفشى ايه ديه بالنسبة لللمبة التشيك اه شغالة زى الفل والتابلوه كله شاغل عادى وايوه هو كشف على كل الفيوزات وشغالة تمام برضه |
#4
|
||||
|
||||
رد: ارجو المساعدة فى حل المشكلة ديه علشان زهقت !!!
طيب بعد ما تدور لمبة الشيك بتفضل منوره و لا بتطفى؟
و الموبينة الى هى طالع منها الاربع سلوك بتوع البوجيهات لازم لما العربية تقطع الكهربائى يتأكد من الموبينة و انا مكنش قصدى ان الفيوزات سليمة و لا لأ انا كان قصدى قاعدة الفيوز بتاع الكنترول لان معظم شكاوى ان العربية تفصل لوحدها لما تسخن شوية بتبقى بسبب تثبيت فيوز الكنترول او فيشة الكنترول
__________________
سبحانك لا علم لنا الا ما علمتنا |
#5
|
||||
|
||||
رد: ارجو المساعدة فى حل المشكلة ديه علشان زهقت !!!
اللي جربلك طرمبه البنزين - قاس ضغط الطرمبه - كان حصل معايا نفس المشكله تقريبا والطرمبه كانت شغاله بس ضغطها مش تمام (ضعيف) - جرب تقيس ضغط طرمبه البنزين
__________________
|
|
|