واقع فى كام مشكلة وارجوكم حد يجاوبنى على الاسئلة دى عشان ارتاح فيرنا 2007

[memodina1]

السلام عليكم انا محمد من السويس 23 سنة العربية فيرنا 2007
اولا انا عضو جديد بس فاهم شوية فى العربيات \
مشكلتى انى لما باجى بركن بالعربية والف الدركسيون شمال بالذات بلاحظ تكة بسيطة جدا يعنى لو بتركن مستعجل ممكن متخدش بالك منها لكن موجودة وبتظهر مرة واحدة بس يعنى مثلا جبت مارشدير ولفيت الطارة وسمعت التكة البسيطة دى وبس كدة لو قعدت الف شمال يمين بعدها متظهرش تانى ابدا غير بقا لما امشى تانى وكدة وارجع اركن تانى لكن فى المشى للامام فى الغيار الفتيس اول تانى تالت كدة او الف دوران سواء كبير صغير عادى ولا بسمع اى حاجة كل الحكاية لما اجيب ورا بس
روحت لواحد قالى انى دا ميزان بتاع العربية عايز يتغير مش عارف بقى اية الميزان دة انا اخدتها ومشيت وقلت اسال هنا الاول
دى اول حاجة تانى حاجه بقى
انا عربيتى فيرنا 2007 بعد ما غيرت سير الكاتينة بقيت احس باى صوت فى العربية واركز فية اوى عشان اول مرة اغير السير المهم بسمع صوت المانفولد اللى هو بتاع الهوا بحس صوتة عالى لما اسحب بالعربية صوت دخول الهوا عالى كدة هل دا لانى موسوس ودا الصوت العادى ولا اية
واخيرا اخر حاجة و معلش طولت عليكم
حساس الهوا لقيت ناس بتفكة وتلمعة ب سبراى مش عاارف نوعة وتركب الحساسا تانى هل دا فعلا لازم يتعمل ولا مفكش الحاجة ما دام مش مستدعى ولا لازم افكة والمعة عند واحد ميكانيكى ولا اية
والرشاشات عندى كانت واحد فيهم مسدود والبيجوهات واحد فيهم اللى هو بتاع الرشاش المسدود علية اصفر بسيط من نصفة كدة
الراجل فك الرشاشات وحوالى ساعة الا ربع قالى تمام نضفوا فسالت فى المنتدى قالوا دا لازم جهاز هو اللى بينظف الرشاشات الصراحة انا معرفش الراجل نظفهم ازاى مكنتش موجود يعنى فهل يوجد طريقة اخرى غير الجهاز بينضف بيهم ولا اتاكد انة مادام نضفهم يبقى بالجهاز لانى مفيش غير الطريقة وبالنسبة للبوجية اللى كان فية اصفر الراجل قالى عادى سيبة شغال لحد ما تغير الاربعة هو شغال عادى متقلقش فهل كلامة صحيح ولا اغير الاربعة هو معايا حوالى 5000 كيلو بس يعنى لسة مغيرهم
اسسسسسسسسف جدا على الاطالة بس معلش نفسى استريح واطمن بالذات موضوع الدركسيون دا
وانا عارف الكبالن لما بتكون بايظة صوتها عالى لكن انا عندى التكة بسيطة اوى مش جامدة عشان اقول كبالن او ممكن بقى الكبالن فى بدايتها او حاجة تانى او الميزان زى ما الراجل قال ارجوكم افيدونى وشكرا جدا

[snoop]

التكا دى يا باشا ممكن تكون بيض المقص عايز جلد او يتغير او حاجة مكسورة فى العفشا مثلا من مطب جامد او حاجة انت تروح لعفشجى يقولك الخلاصة بس يكون شاطر

[snoop]

وده موضوع عن الحساسات(المجموعة) ممكن يفيدك
http://www.masrmotors.com/vb/showthread.php?t=50877

[memodina1]

متشكر جدا على اهتمامك ومستنى اخد راى الناس توكلنا على الله

[احمد على 1999]

انا رايى فى موضوع العفشة زى ما قال الاستاذ snoop لان الحاجات دى محتاجة الواحد يسمعها بنفسه و يفضل طبعا عفشجى شاطر
ممكن مش حتخسر حاجة اغسل الشاسية فى بنزينة و خلى العامل ينشف بالهواء و رش wd40 على جلب و اجزاء العفشة المختلفة قبل ما ينزل العربية يمكن تجيب نتيجة
اما موضوع نضافة البوابة و صمام الايدل طالما العربية ماشية كويس يبقى مالوش داعى
اما الرشاش الى كان مسدود متشغلش بالك هو كان عمل ايه لان اكيد مهما كان الى عمله (حتى لو كان مش جهاز الالتراسونيك) فهو تمام لان العربية ماشية تمام
و انا متفق معاه فى موضوع البوجيهات لان البوجيه لو كان فى مشكلة كنت حسيت بتنتيش