تقييمي للوجان سيدان بعد اول 17000 ك في اول ايام الحر

[akerima]

السلام عليكم

مكنتش حابب اني اعمل موضوع جديد لاني ملاحظ ان فية مواضيع كتير عن تقييم السيارة بعد فترة من استعمالها وكلها الحمد لله بالايجاب لكن بعد تفكير حبيت اشارك اخواني اللوجانوية واللي لسة بيفكر واللي مش علي بالة اصلا بتجربتي للسيارة بعد 17000 ك وبعد يومين حر نار عدوا علينا بالامس فطبعا شغلت التكييف لاول مره بعد 10000 ك الاولي - المهم من اهم الملاحظات (والله بدون مبالغة):

1- كان فية صوت زنة جامده جدا مع فيبريشن عجيب عند تشغيل التكييف ولما سالت في التوكيل قالولي ان دا صوت السرعة التانية للمروحة والسرعة دي بتشتغل لما التكييف يشتغل عشان التبريد - الكلام ده اختفي تماما مع التاكد ان السرعة التانية للمروحة فعلا شغالة بس مبقتش بتعمل الزنة والفيبريشن العجيب بتاع الاول

2-التكييف كان ممتاز لما تشغلة علي تاني سرعة وكمان اقل من اعلي ليفل للبروده بدرجة بيخلي الجو بارد - لكن اللي شفتة امبارح علي اول سرعة ودرجتين اقل من الهاي ليفل تلاااااجججججججججة مش طبيعي

3- اي عربية سحبها بيتاثر بعد ما بتشغل التكييف وخصوصا المنول بنسبة ال 10% من سحب الماتور ودا كان عندي الاول فعلا السحب الطبيعي بيقل شوية - مع اندهاشي الشديد مكنش فية اي تاثير علي السحب باي درجة بعد تشغيل التكييف بالامس

4- صوت الماتور مع التكييف كان بيبقي عالي جدا طبعا بعد غلق النوافذ - الملاحظ امبارح ان صوت الماتور بقي انعم بكتير وبقي تقريبا هوا نفس الصوت اللي بتسمعة وانت مش مشغل التكييف

5- الرجاء من جميع اعضاء المنتدي بعد قراءة هذا الموضوع قول ما شاء الله والله اكبر عشان العين فلقت الحجر - ومتبصبيش بعين رضية بصوا للاندفع فيا

وكفاية لحد كده عشان حاسس اني حقلب بتاع كبده كمان شوية

تحياتي للجميع

[hyundai2005]

ماشاء الله ربنا يباركلك فيها ويكفيك شر العين وتسلم عالتقرير

:fun_36_3_ 3[1]:

[akerima]

مشكور يا اخي علي الرد الجميل

[ASHERIF]

السلام عليكم
بسم الله ما شاء الله ربنا يبارك لنا في اللوجان العظيمة
للتاكيد على كلامك العربية معايا امبارح كانت ممتازة بعد ماشغلت التكييف مع اني لسه مكملتش ال 10,000 كم

[akerima]

شكرا اخي اشرف علي مرورك الكريم واحب اوضح اني عملت الموضوع ده لاني من اول ما عملت ال 7000ك تقريبا كانت بداية دخول الشتاء فمن ساعتها مجربتش اشغل التكييف غير بالامس