استفسار للاعضاء الجين 2

[aryme]

السلام عليكم

انا حابب اخد راى الخبراء انا معايا عربية تيجو هى حلوة ولسة جديدة بس مش عارف الجين 2 عجبانى جدا فهل الماليزى احسن من الصينى واى هى مميزات الجين 2 وامكانياتها وثباتها يعنى اغير ولا لا انا بصراحة محتار ؟

[A7MED NASSER]

تيجو عربيه كويسه . بس ما ينفعش تقارنها بالجين 2 . (الجين 2):عربيه ماليزي . موتورها و فتيسها ميتسوبيشي ياباني . عفشتها لوتس انجليزي . يعني ثبات و سرعه . ده غير الكماليات دي
بقي ياريت تشوفها بنفسك علشان هي عربيه كامله اصلا . يعني ماليزيا فعلا عرفت تميزها عن
بقيت العربيات عن طريق انها اختارت نوع الموتور و نوع العفشه و تصميم الجذاب و كماليات الكتير اللي موجوده فالعربيه زي (باور-سنتر-تكييف-راديوCD و نظام صوتي كامل عالي الجوده-ايرباك-زجاج و مريات كهرباء - وغيرها كتير من الكماليات.....) و بكده تبقي العربيه فعلا كاملة
يعني انا فعلا قبل ما اجيب السيراتو كانت عجباني اوي و مفيش حد سألته معاه العربيه دي الا لما
يشكرلي فيها كتير . بس يلا ما حصلش نصيب . هههههههه . تسلم عالموضوع

احمد ناصر

[أبو صالح]

هي فعلا عربيه جميله جدا
وتحس وأنت راكبها إنك راكب عربيه بجد
ومعظم حاجتها ياباني وإنجليزي
لكن .... وخد بالك من لكن دي
ضعيفه أوي في الصدمات
واحد صحبي طلع بيها علي رصيف العفشه والمتور إدشدشو والإير باج فتح وبقت هيصه
و واحد صاحب أخويا معاه إبيزا واحد معاه جين تو خبطه من ورا خبطه بسيطه
الكبوت بتاعه باظ والإبيزا ولا الهوا
أنا مش عاوز أعقدك من العربيه أنا كمان أول ما شفتها كنت معجب بيها جدا جدا
بس أنا بقولك إلي أعرفه بما يرضي الله