لوجان و اسبرانزا M11 و البرنليانس FSV ايهما افضل

[had305]

عوز اشترى عربيه فى حدود 70 الى 75 الف تنصحونى
لوجان و اسبرانزا M11 و البرنليانس FSV ايهما افضل
ولا سنديرو رينو

[lol64]

ان شاء الله ال m11 لكثره الشكر فيها من الاعضاء وخصوصا الاستاذ ابو الاسعاد وانا اثق فى كلامه جدا
يليها اللوجان وبرضه الشكر فيها كتير

والله الموفق

[akerima]

عشان مزعلش حد في المنتدي الكريم - استخر ربك اولا ثم اختار - وعموما انا برشحلك اللوجان لان M11 كل الناس بتشتكي منها ماعدا ابو الاسعاد ومن كلام ناس كتير ان العربية دي زي البطيخة انت وحظك ومن اكبر مشاكلها اللي معظم الناس اشتكو منها ان الدينمو بيتحرق بعد فترة بسيطة وعموما اقرا في النتدي عن العربيتين حتعرف معلومات كتير تساعدك

[RENAULT 18]

عشان مزعلش حد في المنتدي الكريم - استخر ربك اولا ثم اختار - وعموما انا برشحلك اللوجان لان M11 كل الناس بتشتكي منها ماعدا ابو الاسعاد ومن كلام ناس كتير ان العربية دي زي البطيخة انت وحظك ومن اكبر مشاكلها اللي معظم الناس اشتكو منها ان الدينمو بيتحرق بعد فترة بسيطة وعموما اقرا في النتدي عن العربيتين حتعرف معلومات كتير تساعدك

أويد صديقى akerima ......... لأن الشكاوى فى الM11 أكتر من الشكر فيها يبقى المجازفة بتمنها حرام ...

و الأفضل من الM11 ( فى وجهة نظرى ) الجاك B15

لكنى أرشحلك السانديرو و اللوجان ...........

تحياتى ::::::::

[MOUSTAFA_SAAD]

كل واحد حيشكرفى عربيته وطبعا انا حقولك اللوجان
لكن فكر بموضوعيه حتلاقى ان الصينى فيها امكانيات كتير وتكنولوجيا عاليه المفروض تتحط فى عربيات تمنها مش اقل من 150 الف جنيه علشان صاحبها بيبقى معاه القدره على صيانتها فى التوكيل والصرف عليها
العربيات الصينى دية اسبراتير كهرباء وباور كهربا وABS و EBD وشوية حاجات الغلطه فيها بفوره وان شايف انها معقده بالمقارنه بسعرها يعنى طبعا الحاجات دية مميزه بس تتحط فى عربيه عاليه ده غير ان المنتج الصينى اتعودنا فيه ان مفيهوش اعتمايه وعيوب الصناعه عندهم كتير
لكن اللوجان بسيطه جدا افضل قيمه مقابل المال اللى بيندفع فيها وناس كتير بتعمل صيانتها بره التوكيل عادى جدا