المقاطعة ضد غلاء السيارت

[asalacenter]

أولا
حبيت اعمل الموضوع دا نظرا أنها فرصتنا فى ظل الاحداث الجارية حتى نصل الى أعلى درجة من رفع الظلم والمعاملة الغريبة

حتى أننا لانرى حتى مميزات لهذا الغلاء ، لا فى المعاملة فالتوكيلات اثناء الصيانات ولا فترة الضمان ، ولا حتى اسعار قطع الغيار المبالغ فيها والتى أسميها احتقار عند بعض الشركات ، والتى لا يشرف عليها اى جهاز حكومى ، فلما لا نشرف عليها نحن

ثانيا

الدولة الوحيدة اللي بتتعامل بمبدأ cc
أي قوة موتور السيارة مش فاهم ليه

يعني لازم الواحد يجيب سيارة ضعيفه وبعد سنه من المشي في شوارعنا المكسرة ، الواحد يجيب حمار علشان يجرها ويقلبها عربة كـــــارو

مع العلم بأن أقرب دولة لينا وهي السودان بيدخلوا السيارات مجانا ،، يعني أي مواطن موجود خارج البلاد من حقة النزول بسيارة خاصة مجانا أي موديل وأي حجم ، مش السي سي

فعلا حاجه تعقد بجد

ثالثا
بدل مالشركات تكافىء الشعب فى المناسبة الجميلة دى نلاقى واحد زى غبور بيغلى سياراته مش عارف شكله زعلان على النظام القديم ولا ايه

على العموم اان شايف ان اعضاء المنتدى المهتمين بالسياسة فى مصر والتغيير والناس اللى فاهمة قوى هتظيف للموضوع دا كتير . وهتكون مهتمة بيه اكتر منى .

شكرا

[eng_ahmed_90210]

كان نفسي حمله خليها تصدي و موديلها يعدي تتعمل من زمان بس تعمل ايه بقه في المصريين

[world_of_kill]

ياريت كلنا نشارك في الجروب دا

http://www.facebook.com/pages/الشعب-يريد-اسقاط-الجمارك/185211271514360

[momen_bondok]

هذا الموضوع فعلا مهم جدا
انا بصراحى نفسي كمان المطبات تتلغى والشوارع تتسفلت ويصبح فية قانون صارم مطبق بحزم فى كل من يتجاوز السرعة او يخالف عموما بعيدا عن الرشاوى والبلاوي
انا عندى فى المنطقة من ساعة ما ركبو الغاز الشارع بقى لا يصلح لسير العربيات الكارو
حسبى الله ونعم الوكيل فى كل ظالم

[A7MED NASSER]

هو ده اللي انا كنت عايز اعمله بالضبط . و اكتر حاجه هتأثر في البورصه لما تفتح تاني . هو سوق السيارات اللي خسران لغاية الوقتي ملايين الملايين . فلازم ان احنا نلغي الجمارك باي شكل كان . و شكرا الموضوع الجامد ده . طبعا معاك و موافقك الرأي .