نصائح من ضابط شرطه ............

[of_hon]

السلام عليكم جميعا

كان نفسي اكتب الموضوع دا هنا من زمااان بس عشان الظروف اللي احنا فيها فاانا تقريبا من يوم عشرين وانا في شغلي
انا ضابط شرطه زي مانتوا عارفين وشغال في الامن المركزي في اسكندريه في قطاع الراس السودا ومن اول الاحداث وانا منتدب في سيناء
كنت عايز اقولكم شوية نصايح صغيرة يارب تنفع اللي يقراها عشان محدش يتعرض لموقف يعرضه لخطر
أولا ياجماعه بلاش اي حد سواء رجل اوست يخرج من بيته بالليل تحت أي ظرف ياجماعه فيه كمية مسجلين وسلاح في الشارع لا تتخيلوها واذا كان فيه ضرورة حاول تاخد معاك اي سلا ابيض خفيف ولو اني منصحكش ممكن الجيش يقبض عليك وتتحاكم بتهمة حيازة سلاح ابيض
ثانيا اخواتنا البنات حتي لو الدراسه بدأت متنزلوش من بيوتكم لوحدكم وخاصة في القاهرة واسكندريه في أي وقت وتحت أي ظرف وياجماعة هتسمعوا وهتشوفوا بعينكم الايام الجايه جرائم سرقه وقتل واغتصاب علني ومحدش هيقدر يفتح بقه
ثالثا لو نزلت الشارع راجل او ست متخدش معاك حاجه ليها قيمه زي الدهب والساعات وياريت تاخدوا معاكم اي موبايل قديم وفلوس قليله عشان لو اتسرقت يبقي مش موت وخراب ديار
رابعا لو اتثبت في اي مكان وفي اي وقت وتحت اي ظرف متحاولش تقاوم تماما الا لو كان معاك حريم فلو هتموت عشان ميخدوش اللي معاك مووت احسن متعيش وانت عاجز عن حمايه عرضك
كان نفسي اطول معاكم والله ياجماعه بس ان مسافر تاني بكره الصبح وان شاء الله يبقالنا دردشه حول اللي حصل واللي بيحصل واللي انا شوفتوا بعيني في اقرب اجازة ليا باذن الله
وياريت اي حد عنده استفسار عن حاجه معينه يحطه في الموضوع دا وان شاء الله ارد عليه .

[samirayad]

كان نفسي اطول معاكم والله ياجماعه بس ان مسافر تاني بكره الصبح وانشاء الله يبقالنا دردشه حول اللي حصل واللي بيحصل واللي انا شوفتوا بعيني في اقرب اجازة ليا باذن الله

ربنا يوفقك أخونا الفاضل

للعمل بمايحبه ويرضاه

ونلقاك على خير مشارك لنا فى هذا المنتدى الطيب

ونشكرك جميعا على نصائحك القيمه

[of_hon]

المشاركة الأصلية كتبت بواسطة samirayad ربنا يوفقك أخونا الفاضل للعمل بمايحبه ويرضاه ونلقاك على خير مشارك لنا فى هذا المنتدى الطيب ونشكرك جميعا على نصائحك القيمه

متشكر جدا وبجد فعلا محتاج دعواتكم كلكم في الوقت دا بالذات

[momen_bondok]

جزاك الله خيرا على التنبية
ربنا يبارك لحضرتك فانت مثالا مشرفا لظابط الشرطة

[mesho70]

من عنوان الموضوع كنت اظن ان المضمون مختلف
- فبداية شكرا ً لحضرتك على النصائح
- ولكن ارجوا ان تعطينا حلول لانة لابد من النزول للشارع
- عن نوع المشاكل وكيفية التغلب عليها بحكم عملك
- فأحد الزملاء سبق ان حذرنا من تشغيل المساحات عند القاء بيض على الزجاج الامامى
- وعنى فأنا اسافر كثيرا ً على طرق صحراوية وقد توقفت تماما ً على التوقف على الطريق لاى شخص يحتاج المساعدة لانة من الممكن ان يكون فخ او كمين من قطاع طرق
- كما توقفت عن السفر ليلا ً تحت اى ظرف
- فهل من اضافة ؟
مع الشكر