برجاء الافاده من عمالقة البايكرز

[FANTOM0777]

يا رجاله بأذن الله خلال ايام او اسابيع هكون جبت موتوسيكل سوزوكي
4 سلندر
550 سي سي

المشكله بقي
الموتوسيكل مركون بقاله 3 سنين عند صاحبه

وعشان كده هاخدها اشدها شده حلوه من الاخر علي طول
السؤال بقي
عايز احسن ورشه متخصصه تقدر تفيدني واوديها وانا مطمن واخدها تعييش معايا منغير وجع دماغ
وهل ينفع اوديه توكيل سوزوكي ؟؟
وانا من القاهره
ياريت كل الناس تشارك
وشكرا مقدما ليكو يا رجاله

معلش سؤال تاني ايه خطورة ركن الموتوسيكل كل الفتره دي
وهيأثر جامد عليه ولا لو خدتها وشدتها شده حلوه وصرفت عليها هتبقي فل

[nktis]

طيب الموتسكل فيه حاجه في الموتور او في قطع الغيار عايزه تتغير؟؟؟

[FANTOM0777]

المشاركة الأصلية كتبت بواسطة nktis طيب الموتسكل فيه حاجه في الموتور او في قطع الغيار عايزه تتغير؟؟؟

لا الموتوسيكل كان شغال عادي جدا بس ابوه حلف عليه ميركبهوش تاني عشان كان بيسافر بيه كتير جدا
ومن ساعتها اتركن

وشكرا يا ريس علي ردك

[nktis]

المشاركة الأصلية كتبت بواسطة FANTOM0777 لا الموتوسيكل كان شغال عادي جدا بس ابوه حلف عليه ميركبهوش تاني عشان كان بيسافر بيه كتير جدا ومن ساعتها اتركن وشكرا يا ريس علي ردك

انا تحت امرك يا باشا وبلاش كلمه ريس خلينا مداريين

[FANTOM0777]

المشاركة الأصلية كتبت بواسطة nktis انا تحت امرك يا باشا وبلاش كلمه ريس خلينا مداريين

ههههههههه

طب مقولتليش ايه خطورة ركن المكنه فتره طويله كده