ما هي المنافع التي عادت عليك من هذه الثورة (مفتوح للنقاش)

[مهند سالم]

السلام عليكم ورحمة الله وبركاته:
زي ما في موضوع عن الأضرار كان لازم للإنصاف نعمل موضوع عن المنافع، وأبدأ بنفسي:
1- فخور جدا إني مصري، وبأمشي في الشارع مرفوع الرأس.
2- حاسس بالأمن والأمان وإني مش ممكن هأتهان في بلدي ولا حتى برة بلدي بعد كدة.
3- طول عمري ما كانش عندي بطاقة انتخابية لأني ما كانش ممكن أشارك في المسرحية الهزلية بتاعت الحكومة وأوسخ صوتي وأقلل من قيمته. أما الآن فحاسس إني مؤثر وإن صوتي فعلا ممكن يغير بلدي وطبعا هأطلع ثلاث بطايق انتخابية لو ينفع.
4- حاسس بالحرية مالية جسمي.
5- حاسس إن البلد فاقت وخلصت من نزيف الفساد إلا كنا عايشين فيه، وإننا لو مسكنا على نفسنا سنة واحدة هنعوض كل الخسائر بإذن الله.
6- حاسس إن كل الشرفاء إلا في البلد لأول مرة بياخدوا فرصة حقيقية عشان يشتغلوا وينتجوا ويعمروا البلد.
ده إلا في دماغي دلوقت، وإن شاء الله هأكتب تاني.

[zago boss]

المنافع ان البلد نضفتمن اشباء الرجال اللي كانو فيها
والحراميه اللي بيسرقونا حتطلع عينيهم
وان اي حكومه تيجي حتفكر مليون مره قبل ما تطلع قرارات ظالمه وتستهين بالشعب
ده غير ان العالم كله عرف يعني ايه مصري


مصري وأفتخر

[مهند سالم]

المشاركة الأصلية كتبت بواسطة zago boss المنافع ان البلد نضفتمن اشباء الرجال اللي كانو فيها والحراميه اللي بيسرقونا حتطلع عينيهم وان اي حكومه تيجي حتفكر مليون مره قبل ما تطلع قرارات ظالمه وتستهين بالشعب ده غير ان العالم كله عرف يعني ايه مصري مصري وأفتخر

نورت الموضوع

[zago boss]

الله يخليك
ده انا حتى قررت ابطل احدف على العربيات بمناسبه الثوره وحبقى ادي اشارات
وده طبعا من منافع الثوره على كل المصريين اللي بيبقو ماشيين حواليا في الشارع وخايفين على عربياتهم

[مهند سالم]

المشاركة الأصلية كتبت بواسطة zago boss الله يخليك ده انا حتى قررت ابطل احدف على العربيات بمناسبه الثوره وحبقى ادي اشارات وده طبعا من منافع الثوره على كل المصريين اللي بيبقو ماشيين حواليا في الشارع وخايفين على عربياتهم

هو إنت بتسوق بلدوزر ولا إيه!!!!!!!!!!!!!!