انس الفقى مشى ونسى الكاميرا متوجهة لميدان التحرير

[اسد]

ياجدعان لو حد يعرف عنوانه ولا تليفونه يكلمه ييجى يطفى الكاميرا اصل الناس مشيت خلاص والمدرعات رجعت ثكانتها والكاميرا شغالة على الفاضى على القناة الاولى والفضائية زى ماكان بيسرح اثناء الاحداث وبينساها موجهة لنهر النيل اصله كان خياله حالم رقاص قديم بقى ولا احول ولا ايه المهم ده برضه اصبح تلفزيون بلدنا الجديدة ويهمنا سمعته واذا كان زعلان مش عايز ييجى عشان خد قشرة الموزة بعد مالموزة ساحت قولوا له يبعت المفتاح مع عم عبده البواب عشان نفتح الدكان ونطفى الكاميرا احسن العسكرى اللى على الباب تعب وعايز يروح

[BASSEM BESO]

يارب بقى اعلامنا ينضف شويه من ال................. اللى ماسكينه ولسه فيهم واحد ومرشح يبقى وزير اعلام للأسف واول حرف من اسمه اسامه الشيخ الشاطر فى انه يفتح قنوات مسلسلات فى رمضان ويعرض ماتشات الكوره لكن ده كان زمان يااس الفساد

[سالم سلامه]

الاعلام بتاعنا كان مفكر الناس هبله مش فاهمه حاجه طيب انت بتضحك على مين اذا كانو الناس ال انتوا بتضللوهم هما ال وقفين فى الشوارع دى حاجه تعفرت بجد

[اسد]

المشاركة الأصلية كتبت بواسطة BASSEM BESO يارب بقى اعلامنا ينضف شويه من ال................. اللى ماسكينه ولسه فيهم واحد ومرشح يبقى وزير اعلام للأسف واول حرف من اسمه اسامه الشيخ الشاطر فى انه يفتح قنوات مسلسلات فى رمضان ويعرض ماتشات الكوره لكن ده كان زمان يااس الفساد

انت تقصد بالنقط دى الحسالة ولا تقصد حاجة تانية

[lol64]

المشاركة الأصلية كتبت بواسطة اسد انت تقصد بالنقط دى الحسالة ولا تقصد حاجة تانية

المعنى فى بطن الشاعر يااسد
ولا اقولك كل واحد يتخيل الكلمه اللى على مزاجه هههههههه