عاوزين مصر تبقى جميلة وقوية

[samirsaid1]

ياريت ياجماعة نقوم سلوكياتنا فى الفترة الجاية ونشوف ايه اللى اتسبب فى الظلم اللى فات والمهانه اللى الناس كانت عايشه فيها ونحاول نكون ايجابين ومقتنعين ان مصر دى بيتنا الكبير زى ما أكيد كلنا ايجابيين فى بيوتنا وبنحاول نعيش فى بيوتنا باحسن حال بحفاظها عليها . عشان نقدر نحتفل بالنصر دة وعشان منتحولش لتونس ولا للعراق ولا ولا !!!!!!!!!
ونحاول نحارب السلبيات اللى كانت موجودة واللى محتمل تبقى موجودة فى الفترة اللى جاية ومنخليش العالم يتحكم فينا أو نديهم الفرصة اللى بيتمنوها من زمان
ونحافظ على بلدنا ونعلم اولادنا يحافظو عليها ازاى وننمى حبهم للبلد دى واللى تستاهل منا كل خير ونقلب الصفحة اللى فاتت دى ونبدا صفحة جديدة بدايتها بسم الله الرحمن الرحيم بعنوان كلنا بنحب مصر وكل واحد يرسم الصورة اللى بيتمناها فى بيته لمصر

يارب احمى مصرنا الغالية