مساعدة ضروري يا رجالة مصر موتورز

[h0pa]

السلاموا عليكوا في البداية
الموضوع باختصار
بقالى فترة بادور علي حاجة صغير اتعلم فيها السواقة بعد ما طلعت الرخصة
في الاول فكرت في 27 بس كتير قالوا خليك في 28 هاتبقي احسن و ممكن تتظبط و ممكن تعيش معاك لو بقيت موظف و عيلة و الكلام ده
وانا اقتنعت بالرأي دي
و بدأت ادور
كل اللى شوفته كان ملعوب فيه و ما عجبتنيش حاجة
واحدة شوفتها موديل 83 مافيهاش حاجة بس عاوزة فردة و شوية تنضيف من جوة لكن بسيط وكان طالب فيها 12.250 كنت باكلم واحد ميكانيكي علشان يجي يشوفها و نخلص فيها المهم و انا باتكلم في التليفون الراجل صاحبها قالي دقيقتين و ابقي معاك
جالى الافندي و معاه واحد تاني
الخلاصة ..
اتباعت و انا واقف
مش مشكلة ربنا يبارك لصاحبها الجديد
دلوقتي انا كنت موصي ناس صحابي يشوفولي اى حاجة
واحد صاحبي انا باثق فيه جدا دلوقتي عنده 125 وده اللى كان بيدور معايا لحاجة مناسبة ليه
الراجل ده كلمني دلوقتي وقالي في عربية نضيفة علي كلامه
موديل 78
لونها اصفر !
فبريكة من جوة لكنها راشة برة
رخصة هاتنتهي في شهر 4 اللى جاي
بيقولي صاحبها مهتم بيها و بيمشي بيها علي الاد و مش حاططلها اى حاجات غير طاسات !
طبعا انا ميح في الكلام ده
و عرفت كلمة فبريكة و الدواخل و الكارتيرة من الفترة اللى كنت بادور فيها
المهم ام 78 دي صاحبها طالب فيها 12.500
فصاحبي كلمني وقالي لو كدة تعالى انزل بكرة شوفها علشان نخلص فيها
وبيقولي الراجل ماسك علي كلامه و مش عاوز ينزلها لكن احنا ممكن نخلصها علي 12 بالعافية
وانا بصراحة واثق في كلام الراجل صاحبي لكني شايفها غالية علي الموديل
وخايف اقوله كدة يقول انت بخيل ولا ايه
و زي ما كل الناس بتقول الحالة اهم من الموديل
لكن بصراحة انا شاب و عاوز حاجة شكلها ( ولونها ) حلو جنب حالتها
فمش عارف كدة تبقي معقولة ولا ايه
قولت اسأل اصحاب الخبرة و الرأي علشان يفيدوني قبل ما انزل بكرة و اقول كلمة للراجل مع العلم انى ما باعرفش اي حاجة في اي حاجة وتقريبا هاتعلم عليها السواقة من اول و جديد
حد بقي يلحقني و يقولي اقوله ايه غيبا كدة من غير ما اشوف العربية الصفرة !!!!

[مصطفي الباشا]

يبقا اختيارك
1-فيات 128
2-فيات 132 ودية احسن عشان موتورها 2000cc تستطيع انك تسافر بيها
3-فيات 131

شوف اختيارك وبرحتك

[h0pa]

سوري يا درش ما فهمتش
ما انا باقولك انى رايح اشوف ال 28 الصفرة دي بكرة ان شاء الله
مسافرلها لانها في مدينة غير اللى انا ساكن فيها
انا كنت باتكلم علي سعرها مناسب لموديلها و لونها و الوقت اللى فاضي في الرخصة ؟
ولو مش مناسب اكلم الراجل في كام علشان ما يبانلوش انى مش فاهم حاجة
وشكرا علي طرحك الكريم يا درش لكني بادور علي حاجة صغيرة ( حجم / فلوس ) علي ادي و ال 128 هي الانسب دلوقتي
رأيك ايه انت في الفلوس ؟
وفين باقي الاراء يا رجالة باقولكوا نازل بكرة بدري ان شاء الله علشان الحظر

[مصطفي الباشا]

لو سليمة يبقاء مبروك عليك العربية اما لو حسيت اني فية حاجة غلط ابعد عنة واستنا حاجة احسن عشان متكرهش في السوقة

في موقع كونتكت كار- موقع مصر كار للسيارت المستعملة

لو سليمة وعجبك خذة من غير اي تردد وسعر مناسب طبعا