ايموبيليزر ؟؟؟ وسمك صاج اللوجان !!!!

[akerima]

بصراحة يا جماعة كنت حابب اعمل موضوع عن سمك الصاج في الرينو اللوجان وخلاص داخل اكتب وبعدين قلت طيب هوا سمكة اد ايه لقيتني مش عارف فدخلت ادور علي المعلومة علي النت فاتكعبلت في اللي اسمة ايموبيليزر ايه ده هوا انا عندي ايموبيليزر في العربية اه تصدقوا؟؟؟

اصل هقلكو اصل الحكاية - العربيه عندي نزلت من البيت امبارح لقيتها مخبوطة طبعا اتخنقت وجعرت في الشارع مين اللي خبط العربيه ؟؟ فلم اجد من يجيب - حلوه دي - المهم خدت بعضي ورحت لسمكري حبيبي مجربة قبل كده كتير في عربيات اصحابي الزيرو وعارف شغله وبصراحة هوا ممتاز متعرفش ان العربية مخبوطة بعد ما تطلع من عنده حتي لو انت ريس الخبرا بيعدل علي البارد من غير خربوش حتي لو الصاج معجون المهم وهوا شغال لقيتة مستصعب الحكاية ايه يا عم فيه ايه - قالك الصاج بتاع عربيتك ده مشفتوش من زمان - ليه يا عمنا دي موديل 2010 مش من زمان ولا حاجة - قالك لا بجد صاج العربيه تخين علي غير العاده في العربيات الجديدة ومرشوش من تحت زي طبقة بلك (زي الانتركوت بس احسن - علي كلامة) المهم رجعها سليمة الحمد لله واحسن من الاول بس طلع بوزه وخصوصا انة طبعا بيدق براحة اوي طبعا خايف علي البوية . بس

دلوقت بقي عندي سؤالين - حد عارف ايه هوا ال ايموبيليزر ؟؟؟
حد عارف ايه هوا سمك الصاج بتعنا وهل هوا فعلا اكتر من العربيات التانية؟؟؟

لاجابة السؤال الاول طبعا انا عارف ال ايموبيليزر بيشتغل ايه يعني ان العربيه متدورش الا بمفتحها الاصلي عشان فيه شفره والكلام ده بس اللي انا عايز اعرفه ايه الميكانزم وبعدين يعني لو حد عايز يدور من غير شفره هوا جهاز واخد كهربا مثلا فممكن يتشال فيوز فالعربيه تدور ؟؟؟؟؟؟؟؟؟

[ayman1204]

صاج اللوجان بيبقى فيه زى ما تقول ( عصب ) من جواه ودا كلام انا واخده من ناس كانت عندها اللوجان وقمت بشراءها وكان هذا من احد الاسباب

الايمبوليزر كل اللى اعرفه انه مانع للسرقة غير كدة مش هقدار افتى

[RENAULT 18]

على حد علمى أن الايموبلايزر مكون من جزأين
1- جزء فى المفتاح
2- جزء فى العربية

الجزء اللى فى المفتاح بيبعت إشارة زى موجات الراديو للجزء اللى فى العربية و دا الجزء المسئول عن إدارة محرك السيارة .......

يعنى لازم يكون المفتاح الأصلى عشان يبعت إشارة للعربية يقوم المتور داير

لكن فى حالة المفتاح التقليد فدا مفيهوش إشارة الراديو الصحيحة اللى بيقراها الجزء اللى فى العربية ،،،،،

و حتى لو حاول السارق يفك مكان المفتاح عشان يلمس الأسلاك المتور مش هيدور برضو

و الله أعلم

[asus_matrix32]

السلام عليكم أولا
أحب أضيف معلومه عن الايموبليزر ؟
Engine immobiliser
مكانه فى التبلوه وهو عباره عن لمبه أشاره حمراء وتبين أن كان الجهاز شغال ولا به عطل بالوميض المتكرر



ومكان المستشعر فى جسم مفتاح السياره الصوره هتوريكم مكانه

وأذا كان فى حاله محاوله تشغيل المحرك بغير جسم المفتاح الاصلى مش هتقدر تشغل الموتور وساعتها الكمبيوتر هيعمل صوت أنذار داخلى زى صوت تحذير النور الصغير لما بتنساه وفى حاله أن جسم مفتاح السياره الاصلى بالقرب من العربيه بحوالى 2متر بكده تقدر تشغل العربيه
أرجو أنى أكون أفدتكم باللى أقدر عليه ولو فيه تصحيح ياريت حد يصحح المعلومه مع العلم أن الصور والكلام ده موجود فى دليل كهرباء السياره بالحرف الواحد

[abo-gamal]

المشاركة الأصلية كتبت بواسطة asus_matrix32 السلام عليكم أولا أحب أضيف معلومه عن الايموبليزر ؟ Engine immobiliser مكانه فى التبلوه وهو عباره عن لمبه أشاره حمراء وتبين أن كان الجهاز شغال ولا به عطل بالوميض المتكرر ومكان المستشعر فى جسم مفتاح السياره الصوره هتوريكم مكانه وأذا كان فى حاله محاوله تشغيل المحرك بغير جسم المفتاح الاصلى مش هتقدر تشغل الموتور وساعتها الكمبيوتر هيعمل صوت أنذار داخلى زى صوت تحذير النور الصغير لما بتنساه وفى حاله أن جسم مفتاح السياره الاصلى بالقرب من العربيه بحوالى 2متر بكده تقدر تشغل العربيه أرجو أنى أكون أفدتكم باللى أقدر عليه ولو فيه تصحيح ياريت حد يصحح المعلومه مع العلم أن الصور والكلام ده موجود فى دليل كهرباء السياره بالحرف الواحد

تسلم ايديك على المجهود الجميل ومشكور عليه
بصراحة المعلومة جديدة عليا واضافة ممتازة منك