واجا 2010 ولا بيرسونا 2011

[elmagh]

السادة الأعضاء الكرام ذوي الخبرة

الموضوع ده عرضته في قسم المقارنات ،لكن للأسف الردود كانت قليلة جدا فكرت إني أكرره في قسم البروتون لعل خبراء البروتون يساعدوني في الإختيار !!

برجاء مساعدتي في الإختيار بين السيارات الآتية ، علما أنني أرغب في إقتناء السيارة وإنشاء الله لا أنوي بيعها عاجلاً .

الإختيار الأول : بروتن واجا 2010 at / fo
السعر التقديري 86 ألف جنيه مصري مع أوفر (عرض) بتأمين شامل لمدة عام .
المميزات من وجهة نظري :
1- أعتقد أنه سعر ممتاز لعربة أتوماتك بها كل الكماليات تقريبا .
2- صالون عالى المستوي ( بالنسبة للسيارت في حدود نفس السعر وأعلى شويتين ) .
3- مساحة رائعة للركاب .
4- السيارة بها نفس المحرك (الكامبرو) الموجود في الموديلين جين تو وبيرسونا ولها نفس نظام التعليق .
العيوب من وجهة نظري :
1- موديل 2010 وليس 2011 .
2- لن يتم طرح واجا بهذا الشكل إعتبارا من العام الحالي وسيتم إستبدالها ببروتن انسبيرا .
3- شكلها من الخلف غير عاطفي ( بالنسبة لي ) لكنه يعتبر مقبول .
4- أخشى أن لا أجد لها بعض قطع الغيار بعد فترة قليلة مثل الفوانيس والإكصدام وخلافه ...

الإختيار الثاني: بروتن بيرسونا 2011 at / fo
السعر التقديري 94 ألف جنيه مصري .
المميزات من وجهة نظري :
1- شكل متميز وجريئ .
2- فرش جلد .
3- مساحة معقولة للركاب .
4- بها بعض الإضافات مثل مثبت السرعة واسبويلرز ومش عارف إيه تاني لأنها لسه منزلتش مصر .
العيوب من وجهة نظري :
لا يوجد غير فرق 8000 جنيه بينها وبين الواجا السابق ذكرها .

الإختيار الثالث: نيسان صني سوبر صالون 2011 at / fo
السعر التقديري 100 ألف جنيه مصري .
المميزات من وجهة نظري :
1- أعتقد سعر قطع الغيار أفضل من البروتون .
2- متداولة في السوق المصري وعليها طلب مما يسهل عملية بيعها .
3- مساحة معقولة للركاب .
العيوب من وجهة نظري :
1- شكلها مش عاطفي أبداً مقارنةً ببروتون .
2- سعر أغلى .
3- تقفيل مصري ( بصراحة مش عارف أخباره إيه بس أعتقد إنه كويس ) .

ولكم جميعا مني أرق تحية وأفضل الأماني

[SALAHHAKIM]

السلام عليكم
عاوز تركب عربيه كويسه امان ثبات قوه امكانيات هات بروتون بيرسونا - واجا -
عاوز تركب عربيه وخلاص بس اسرع فى اعاده البيع
اركب لانوس او فيرنا
فى عرض على البيرسونا موديل 2009AT ب 80 الف هاف اوبشن
وفى عرض على البيرسونا موديل 2010 ب 86 الف كامله MT مع سنة تأمين هديه
ال2011 انا معرفش عنها حاجه
والاهم من كل الكلام ده (صلى استخارة )

[eskenderiya]

الإختيار الثالث: نيسان صني سوبر صالون

ارشحلك الصنى او الاوبترا الاتنين كويسين جدا

[elmagh]

المشاركة الأصلية كتبت بواسطة SALAHHAKIM السلام عليكم عاوز تركب عربيه كويسه امان ثبات قوه امكانيات هات بروتون بيرسونا - واجا - عاوز تركب عربيه وخلاص بس اسرع فى اعاده البيع اركب لانوس او فيرنا فى عرض على البيرسونا موديل 2009AT ب 80 الف هاف اوبشن وفى عرض على البيرسونا موديل 2010 ب 86 الف كامله MT مع سنة تأمين هديه ال2011 انا معرفش عنها حاجه والاهم من كل الكلام ده (صلى استخارة )

شكرا لإهتمامك يا أستاذ صلاح ،
أنا سألت عند الوكيل عن بيرسونا أوتوماتيك وملقيتش
والهاف اوبشن 2009 فيها اوبشن إيه بالظبط وموجوده فين
وهل هي دي الي بيسموها كسر زيرو ؟؟

[elmagh]

المشاركة الأصلية كتبت بواسطة eskenderiya الإختيار الثالث: نيسان صني سوبر صالون ارشحلك الصنى او الاوبترا الاتنين كويسين جدا

شكرا لحضرتك يا أبو اسكندر