تعرف على السيارة المثيرة A - 516

[jonior 607]

السلام عليكو أنا جاى النهارده أعرفكوم بالعربية A 516 اللى أنا بعشقها بدون تحيذ أنا أتحديت بيها كل الناس و من ساعه ما جبتها ماندمتش لثانية و ياريت انى افيد حضرات الساده اللى نفسهم يقربوا من الوحش الصينى بس خايفين من أنيابه ياريت اكون خفيف و وافى فى عرضى للعربيه :

1- العربيه دى ممتازة لو قارنا سعرها بسعر الفيرنا او اللانوس الدايو
2- الصالون ممتاز و واسع جدا جدا
3- التابلوه تحفه

4- الاوبشن يختلف كتير و يفوق السيارتين كالاتى :

1- فيها فتحتين تكييف خلفيتين
2- مرايات كهرباء ناحيتين
3-عدد 6 سماعات مش 4
4- كشافات متحركه فوق و تحت
5- كنبه تنطوى بالكامل مش نص كنبه بس
6- كاسيت تحفة كلاريون يابانى ( حتى موديل 2010 )
7- كشافات شبورة أمامية
8- كشافات شبورة خلفية
9- جنوط سبور
10- شنطة واسعه جدا جدا جدا
11- عازل حرارى فى الكبوت
12- شريحة مدمغه للراديو بدلا من أنتينا او إريال هوائى و صوت الراديو نقى جدا
13- عزل تام للصوت الخارجى بمجرد غلق السيارة و الشبابيك
14- كونصول 2 باب بجوار السائق يسع أمتعة مختلفة
15- الشماسه اللى قدام الكرسى اللى جنب السواق فيها مرايا ذات أنوار
16- مخاضع رأس لكل كرسى مش مخاضع أماميه بس
17- روافع كهربائية أوتوماتيك عن بعد
18- فرامل ABS
19- لمبات فى أنوار الصالون مقسمه على كشافين واحد امامى والتانى فى نص العربيه
20- وزن السيارة فارغة 1300 كيلو وده وزن مايتخافش منه وانت راكبها يعنى عربية ماسكه فى الارض كويس جدا فى حين ان الفيرنا وزنها فاضيه 750 كيلو بس
دا غير فرش الابواب الجامد تحس أنك من اللحظه الأولى لدخولك للعربيه دى أنك دخلت عربية من فئة أعلى بكتيرجدا جدا جدا

من الأخرلا مقارنة بين الاسبرانزا و اللانوس والفيرنا
معلومه هامه السيارة A 516 تمنها 64 ألف فى حين اللانوس 68 و الفيرنا 67.5
الاسبرانزا مشكلتها الوحيده انها من اصل صينى والشعب المصرى بطبعه بيخاف و كل واحد مستنى غيره يجرب بس السيارة دى حتكرر قصه السيارة البيجو 504 فى انتشارها واثباتها تحملها وقوتها

دا غير ان شكلها احسن بكتيير جدا من اللانوس التقليديه منذ 1999 و الفيرنا الصغيرة الخفيفه جدا

أرجو أنى أسمع تعليقاتكوا من أصحاب العربيه 516 و أسمع رأى الناس اللى نفسها تشترى العربية دى و أسمع تعليق الناس اللى بتهاجم الصينى وتنافس باى عربيه من نفس الفئة
شــــــــــــــــــــــــ ـــــــــــــــــــــــكر ا ,

[jonior 607]

و دى باقى الصور يا ريت أكون قدرت أغطى تساؤلات الناس اللى ماتعرفش الاسبرانزا 516

وتفضلوا بقبول فائق الإحترام ,

[miam0502788391]

هو الموضوع ده كان اتحذف بسبب هاكر ورجعته تانى ولا ايه

[jonior 607]

يا ريت توضح كلام حضرتك

الله عليك يا هندسه وعلي مواضيعك المتميزه