ادخل احكيلنا عن عربيتك وازاى اشتريتها

[data]

السلام عليكم جميعا
انا جه فى بالى الموضوع ده وخصوصا كتير مننا اتعرض لعمليات نصب وخصوصا فى شراء المستعمل او حتى قطع الغيار او طمع الميكانيكية
فككرت بعمل الموضوع ده ومن خلاله الناس هتتعظ وهيكون عندها خبره اكتر
ياريت ياجماعة يكون فيه تفاعل واشوف الموضوع جاب المليار مشاركة وانا عندى 95 سنة
عشان ابيع الموضوع واكسب من وراه فلوس
الموضوع هينقسم لكتر من جزء ياريت الاستفاضة فى الكلام
اول مرحلة
مرحلة ما قبل الشراء والمعاناة فى المواصلات والشعبطة مع الاصحاب
ثانى مرحلة مرحلة الشراء والبحث عن السيارة
ثالث مرحلة
مرحلة الاعطال وقطع الغيار
رابع مرحلة
ليه كرهت العربية وناوى تبيعها
وياويل اللى اشوفه دخل الموضوع وماردش هاكله اكل بسنانى

[redhat333]

ههههههههههههههههههههههههه هههههه
سن سنانك علشان هتاكل كل اعضاء المنتدى

[hazem_khidr]

هي فكره الموضوع حلوه
و ان شاء الله ححاول ارد باستفاضه

اول مرحلة مرحلة ما قبل الشراء والمعاناة فى المواصلات والشعبطة مع الاصحاب

الحمد لله ما عدتش بالمرحله دي و كنت بستعمل عربيه والدي كثيرا

ثانى مرحلة مرحلة الشراء والبحث عن السيارة

و الحمد لله برضه المرحله دي ما اخدتش وقت طويل معايا
لان ربنا وفقني في السوزوكي بعد ما شوفت كام عربيه و وقعت في عربيه كانت مع تاجر و بسم الله ما شاء الله كانت حلوه جدا

ثالث مرحلة مرحلة الاعطال وقطع الغيار

الحمد لله كانت اعطالها قليله و كان فيها مشكله لفتره و قبل البيع قد قمت بحلها

رابع مرحلة ليه كرهت العربية وناوى تبيعها

ما كرهتش العربيه بالعكس كنت بحبها لكن بدأت المشاكل تظهر من بارومه و موتور علي وشك الانهيار و قد قمت بشراء سياره اخري من نفس التاجر برضه قبل بيع سيارتي و قد رايتها معه بالصدفه ولم اكن افكر في مستعمل مره اخري الا ان اللانسر قد جذبتني و قمت بشرائها و بيع السويفت و تساهلت في البيع حتي انني تنازلت عن اكثر من اربعه الاف جنيه مقابل ما بها من اصلاحات من الممكن ان تقدر بالفين جنيه لكن قد شعرت بالملل من السياره

[RENAULT 18]

طب بما أنى دخلت يبقى لازم أرد .............

بس أنا مقدرش أفيد حد بخصوص الموضوع دا ......... لأنى من ساعة ما أتولدت و العربية معانا

أقولك ........ أسأل العربية أحسن هى هتحكيلك على كل حاجة من 30 سنة

تقبل تحياتى

[مهند النجار]

للاسف محدش سال
يمكن وانت عندك 100
سنة يجيب20مشاركة