احسن 5 حاجات و اسوأ خمس حاجات في vevy --- شارك برأيك

[SuccessCre8or]

السلام عليكم و رحمة الله و بركاته

فكرة عجبتني قلت افتح بيها موضوع .. مزايا و عيوب الفيرنا من خلال تجربة ملاكها

اكبر 5 مميزات في الفيرنا:
1- محرك قوي
2- إعتمادية عالية (قلة اعطال الحمد لله + مراكز صيانة و قطع غيار في كل مكان) بالإضافة انها واخدة جائزة في الإعتمادية من JDpower
3- تكييف ممتاز
4- شكل انيق ..بيليق فيه التظبيط الخفيف ... جنط و فاميه تبقى العربية جميلة جداً
5- ابعاد العربية واضحة جداً و سهلة في الركن و السواقة داخل المدينة

ارخم 5 حاجات في الفيرنا:
1- اضيق صالون في فئتها (لوجان - ساجا -لانوس)
2- واخدة سمعة سيئة جداً في الثبات و الفرامل عشان الجنط الـ13" و الكاوتش المصري اللي مش بيمسك في الأرض على الرغم ان محدش اشتكى من عيوب في الفرامل منها خارج مصر (يمكن عشان برة بتنزل ب ABS)
3- بعض عيوب التقفيل المصري اللي بتتلخص في العزل
4- فئة الهاف اوبشنز فقيرة جداً
5- التريقة اللي بقيت بسمعها عليها

[lol64]

هما 3 عيوب فى رايى الشخصى
1-التقفيل المصرى
2-لايوجد abs وفرامل مش قويه
3-شكلها اتغير بره واحنا لسه عندنا منها 2011

غير كده العربيه مناسبه لمصر ومش مطلوب منها انك تطير بيها وبعدين نشتكى من الثبات

الله عليك يا زعيم فعلا كلامك مظبوط 200% هيه بس لو تغيرلها الجنوط والكاوتش بمقاس 15 وكاوتش عريض هيفرق في الثبات فرق السما من العما

وانا كمان بفكر اركبلها abs بس مستني بس اعرف هل هينفع ولا لا

[SuccessCre8or]

انا سألت و اتقالي ان الـabs مش مستاهل .. مكلف
ممكن تركبلها بتاع الانترا شيب قديم ... بس للأسف معنديش تفاصيل اوي

[MmFFoR]

الكنبة الخلفية فعلا ضيقة! كنا راكبين 3 بس 2 حجم وسط وواحد رفيع و كنت حاسس اني قاعد في حجر اللي جنبي !!! و الله ما كان في حد مليان!! انا فكرت امال لو واحدة ست مصرية اصيلة من بتوعنا فكرت تقعد ورا !!! يبقى كده متاخدش معاها اللا عيل ضغير واحد يعني عيلين مينفعش! و قعدنا نتريق على الكنبة طول الطريق