كيف تحافظ على نظافة ورائحة صالون سيارتك باأقل التكاليف

[Ahmed ELderiny]

السلام عليكم

فى خطوات قليلة وبسيطة وتكلفة قليلة يمكنك تنظيف وتعطير صالون سيارتك مما يجعلك ترضى عنها وتراها متجددة طول الوقت.

1- قم بشراء مناديل تنظيف التابلوه (سعرها لا يتعدى 10 جنية وبها 24 منديل وتباع فى كارفور ومحلات اكسسوارات السيارات).

2- قم بشراء معطر الجو جليد ابو علبة زرقاء (سعرها لا يتعدى 10 جنية وتباع فى كل المحلات).

3- قم بشراء مكنسة كهربيه للسيارات (سعرها 65 جنيه وتباع فى كارفور ومحلات اكسسوارات السيارات).

4- خصص فوطه نظيفه لتنظيف تابلوه السيارة فقط.

5- باستخدام المكنسه الكهربية قم بتنظيف ارضية السيارة بالكامل واسفل الكراسى وقم بغسيل الدواسات الجلد مره فى الشهر على الاقل.

6- باستخدام مناديل التنظيف قم بتنظيف التابلوه وطارة الدركسيون وكل ما هو امامك وستلاحظ اللمعان والرائحه الجميلة وايضا سيوفر لك سهولة التنظيف بعد ذلك باستخدام الفوطه الجافة العادية.

7- قم بفتح غطاء علبة معطر الجو الى النصف فقط وضعها فى مكان يتناسب مع الشكل العام لصالون السيارة وسوف توفر لك رائحة عطرة لمدة اكثر من شهر.

وبذلك سوف تحصل على صالون نظيف لامع ذات رائحة جميله بتكلفة قليلة (10 جنية مناديل + 10 جنية معطر جو) كل فترة تزيد عن الشهر.

[tobgy]

شكرا يا استاذ احمد على النصايح المفيدة
و انا جايب علبة جليد الزرقا دى
و فعلا مفيدة

[sheko fun]

كويس يا أستاذ ( أحمد ) إنك قلت على موضوع علبة المعطر جلايد دة .


لأنى إستخدمت نوع وحش جداَ بيتحط فى مكان التكيف وقالولى هيطلع ريحة كل دقيقتين ( وفى النهاية ولا إستفدت منه بتعريفة بل بالعكس جرحلى مكان التكيف بسبب المشبك بتاعة إللى بيمسك فى التكيف والريحة ظهرت فى أول يوم بس ومفيش أى ريحة ظهرت بعد كدة .

لكن إن شاء الله هجرب العلبة إللى حضرتك ذكرتها فى الموضوع دة إن شاء الله .

ولك جزيل الشكر


شـــــــــــــــكــــــــ ــــــــــــراَ

[محمود زيزوو]

شكرا على المعلومات الجميلة

[svneleven]

أنا طول عمري نفسي أجي حاجة تفضل ريحتها موجودة علي طول و جربت كل حاجة ما عدا جليد. هشتريه و أجربة ان شاء الله.