|
#1
23-12-2010, 03:09 PM
|
||||
|
||||
سؤال فى الكريستالة هام
انا معايا لانسر كريستالة موديل 98
عندى مشكلة ان العربية بطلع دخان ابيض لما اكون واقف واكبس جامد بطلع دخان ابيض بس دخان كتير اوى كل ما اكبس وانا واقف يزيد وعندى كمان زيت على البوجيهات .... المهم روحت لميكانيكى قالى دى محتاجة طقم شنبر روحت لميكانيكى تانى قالى محتاجة عمرة والسوال دلوقتى اشترى ماتور استيراد ولا اعمل عمرة ممكن حد يفيدنى بالصح و ايه اضرار الاتنين يعنى لو حد عمل عمرة قبل ده يفيدنى ارجو الافادة و جزاكم الله خيرا 
|
|
#2
23-12-2010, 03:42 PM
|
||||
|
||||
رد: سؤال فى الكريستالة هام
بص بصراحة الاثنين فيهم مخاطرة
العمرة 1- قطع غيار مشكوك فيها و مش هتكون اصلية زي ما انت متخيل ، حتي لو مكتوب عليها صناعة ياباني 2- البيه الميكانيكي و البيه الخراط عليهم 50% من نجاح العمرة و للأسف الصنايعيه و التكنولوجيا اللي بيستخدموها في مصر من الزمن العتيق و انت طبعا فاهم 3- ده يا راجل حتي الزيت اللي بيستخدم في التليين بيبقي عادي و مش زيت تليين اصلا 4- في معظم الاحوال هيبقي الموتور خشن شوية مش هيرجع ناعم زي الاول الاستيراد 1- أمره مجهول نسبيا 2- عامل زي البطيخة انت وحظك رأيي الشخصي تجيب موتور استيراد بس يكون استيراد فعلا (بورق الافراج الجمركي) و تكشف عليه (معاك ميكانيكي ثقة و عقر) يبص و يشوف مساميره فيها اثار تدل علي انه اتفك قبل كده و لا لأ و طبعا تشتريه من تاجر ثقة و ياريت بورسعيد لو تقدر و ماتفاصلش قوي علشان تاخذ حاجة نظيفة الناس الركيبة بتعمل ايه تشتري موتور استيراد و قبل ما يركب في العربية تغير كل الجوانات و السيور و الاويلسيلات (طبعا علشان بيكونوا بايظين من الركنة سنوات في مقابر السيارات بالخارج) و تنظف الموتور من الداخل 100% علشان التراب و الزيت القديم اللي مخزن جواه . طبعا ده بيكون مكلف شويتين بس نتائجة ممتازة
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
|
|
#3
23-12-2010, 04:57 PM
|
||||
|
||||
|
رد: سؤال فى الكريستالة هام
الف شكر على الرد يا باشا
بس انا عايز اسال اعرف منين ان الماتور محتاج عمرة اصلا مش جايز كل الموضوع طقم شنبر بس خصوصا ان الماتور ناعم و هادى وكمان الدخنة بتبقا وانا واقف بس و بكبس بنزين مع ملاحظة انه بيبقا دكان كتير جدا
|
 |
|
|
