ايه التعديلات المتاحة للوجان؟؟

[KadryCTS]

انا معايا لوجان وكنت عايز اعرف ايه التعديلات اللي اقدر اعملها عالموتور

هية فيها موتور 4 سلنرد 1600cc 8v injection
قوته 95 حصان
عايز اجيب اخره.. اي اقتراحات؟؟

[AbOnOrA]

تجيب اخرة مرة واحدة وبدرى كده ليه بس

طيب فهمنا انت عايز توصل لاداء شكله ايه الاول ونفكر مع بعض
يعنى مثلا عايز اداء دراج ولا اداء على السرعات العالية ولا ايه بالظبط
وميزانيتك ايه للتعديلات

[KadryCTS]

شكرا على ردك
انا عايز اطلع منه قوة اكتر
يعني عايز احسن الطلعة بتاعة العربية والتسارع وعلى الاقل تجيب العداد لأن اخرها بعد التجربة كان 175 ومفيش بعد كده
هية العربية سحبها مش وحش بس انا حاسس انه ممكن يبقا احسن كتير

[KadryCTS]

وبالنسبة للميزانية فاعتبرها مفتوحة.. يعني حضرتك اديني كل اللي ممكن يتعمل

[Injection]

عايز الحق, أنت ممكن تشترى حاجات قد كده, بس فى الأخر مش هتطلع غير بزيادة طفيفة لسببين.

العربية تقيلة, والموتور ضعيف أصلا.

وأعذرنى لو قلتلك أن العربية كلها تدار بالكومبيوتر يعنى اللعب فيها ممكن يجيب أيرور أو ميديش زيادة فى الأداء, بس ده فتى منى.

على العموم كبداية كويسة, روح لعادل وجدى فى الحرفيين, هات فلتر K&n مخروطى أسبور وركبه عند الأكصدام لو تقدر أو جوه حوض الموتور حسب اللى ينفع عندك, وسلوك بوجيهات سبليت فاير, وياريت طقم بوجيهات جديد لو الطقم اللى معاك بقاله فترة.

وفتح الموتور يومين تلاتة بالشد على العربية وبنزين 95, وبأذن الله هتحس بتغيير كويس.

وممكن بعد كده ندخل فى نظام شكمان كامل أو حتى CAT BACK يرفع التسارع شوية.

بس برضه صدقنى لما أقول أنك هتصرف حوالى ألف جنيه بالميت على الحاجات دى, وفى الأخر برضه مش هتحس بالفرق اللى هو من غير تربو أو تسقيط موتور أفضل, والحاجات دى كلها (الشكمان بالفلتر بالبوجيهات) يبقى كويس أوى لو العربية زادت 5 حصان.

بس مبدأيا, أبدأ بفلتر الهواء, وشوف الفرق.