مقلب من عربيتك

[امير حسين احمد]

بسم الله الرحمن الرحيم السلام عليكم اعضاء المنتدى الكرام
بما انى لسة جديد فى المنتدى اللى بقول ياريت كنت اعرفة من زمان لانة بيقرب الناس جدا وبيفد الواحد بمعلومات كتيير علشان مطولش عليكم انا اخترت الموضوع دة بذات عشان حصلى كتييير اوى وللاسف مبعرفش اتصرف خالص وببقى عامل زى التايه
كان اول عربية معايا كانت سيات وما ادراك ما هى السيات يعنى عينك متشوف الا النور طلعت عينى لدرجة انى ببقى خارج بيها وعارف انها هتعملها معايا العربية دى علمتنى الادب وكرهتنى فى كل حاجة بس كانت فى عين ابويا ملاك عشان هو اللى جايبها كنت اقوله العربية بتمشى شوية وتسخن وتحلف مهتمشى يقولى لا انت اللى مشعارف تسايسها وتمشى بيها وحدة وحدة.
بس ياجماعة من كتر المواقف والمقالب اللى انا شوفتها منها مشعارف احكى ايه ولا ايه الحمد لله وبلا فخر هى العربية الوحيدة اللى كانت تعطل وهى وقفة اكتر من وهى ماشية والحمد لله بعتها بسعر كويس وخلصت منها ونصيحة لوجه الله ابعدو عن اي عربية ماتورها ورا.
ياريت كل اللى خد مقلب من عربيتة يقولة

[BASSEM BESO]

بس ياامير لروح اقول لعم حسين اخليه يطلع يجرى وراك والعربيه دى اظن انت شوفتها خدت طريق صلاح سالم ازاى ولانسيت اكمل ولابلاش ههههههههههههه

[امير حسين احمد]

ههههههههههههههه لا عادى هو عارف رايى فيها