العربيه بتحدف ولا لأ ؟

[ABDORME81]

عاوز اسئل ازاى اعرف ان العربيه بتحدف يمين او شمال كنت سمعت انى امشى فى طريق مستقيم واسيب الدريكسيون وارفع رجلى من على دواسه البنزين فهل الكلام ده سليم ولا لا ؟ .........................
وشكرااااااااااااااا

[حسام البورسعيدى]

شوف يا باشا ..

العربية السليمة المفروض لما تسيب الدريكسيون تفضل ماشية طوالى متروحش يمين ولا شمال ..

سواء بقى كنت دايس بنزين او دايس فرامل او مش دايس على حاجة ..

لكن لو بتحدف فى اى حالة من دول تعرف ان عندك مشكلة ..

وتختلف المشكلة اذا كانت بتحدف مع التسارع (وانت دايس بنزين) او مع الفرامل او وانت شايل رجلك ..

[ABDORME81]

شكرا يا برنس على الافاده

[abdo verna]

بس طبعا لازم يكون الطريق سليم ومفيهوش اي مطبات او نقر

[SuccessCre8or]

ساعات اي تمويج في لطريق بيفرق جامد
انا بمشي في طرق ما يعلم بيها الا ربنا ... و الله بحس الدركسيون هيحدف مني و انا ماسكه !! (بتبان اوي لو مركب جنط اكبر و كاوتش اعرض... ايام الجنط ال13 مكنتش بحس بالموضوع ده نهائي!)