الدقيقة ب 50 جنيه عند الزرانى

[negmeddin]

أثناء مرورى بشارع جمال عبد الناصر بسيدى بشر فوجئت برعشة فى الموتور وريحة عادم السيارة وإضاءة لمبة التشيك ثم توقف الموتور ؟؟؟ وتكرر الموقف مرة أخرى فكنت بجوار مركز الزرانى . المهم دخلت وجاء العامل .وضع السكانر .فتح غطاء المحرك. ثبت سلك كان مهزوز داخل إلى المانيفولد.أغلق الغطاء.كله تمام . لم تكتمل الدقيقة . هات 50 جنيه يا باشا
الباشا دفع ال50 جنيه وخرج وهو يشعرإنه لابس طرطور فما رأيكم ؟

[حسام البورسعيدى]

مش طرطور ولا حاجة طالما العربية اتظبطت ..

كشف الاسكانر دايما بيبقى بخمسين جنية دايما وان كنت انا عملته مرة بـ 35 جنية بس كان محل صغير ..

وطبعا اكيد كان كمبيوتر العربية مسجل عطل والراجل مسحه من الاسكانر .. وحتى لو العربية مسجلتش عطل لازم هياخد منك تمن الكشف برضه .. نصب بقى ..

[hazem_khidr]

الحمد لله ان العربيه اتظبطط
هو لو صنايعي بيفهم كان حط السلك قبل ما يكشف بالاسكانر
بس هو عاوز يعمل شغل و بس
دا كان اخره 20 جنيه و يحمد ربنا

[Injection]

هو فعلا 50 جنيه كتير, الأسكانر بيعمل 25 الى 35جنيه عند أجدعها ميكانيكى, بس هو مغيرش موتور يعنى علشان ياخدها كده عينى عينك, بس كويس أن اللمبة ذهبت لحال سبيلها

[mahdyez]

التعليم مش ببلاش كلنا بندفع علشان يضحك علينا اول مرة
واديك اخذت فكرة المرة الجايه تعملها لوحدك ومش محتاج اسكنر