|
|||||||
| رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
 |
|
|
أدوات الموضوع |
|
#1
25-11-2010, 01:02 AM
|
|||
|
|||
لوجان جدا جدا ارجو من الجميع الرد
يجماعه انا بفكر اشترى عربيه وعجبنى اوى اوى اللوجان علشان سعرها كويس اوى
بس انا هسالكم سوال وياريت بعد اذنكم تردوا عليا بامانه علشان ديه اول عربيه اجيبها فى حيااااااتى لو انا بنفس سعر اللوجان ممكن اجيب ايه تانى غيرها ولا هيه افضل حاجه تانى حاجه سمعه ان بروتون ساجا كويسه وبرضه هيونداى i10 وبرضه فيات بونتو وبرضه جيتز فانهى احسن عربيه حاجه مهمه لو استقريتوا على اللوجان فانهى احسن اللوجان العاديه ولا الهاتشباك عمتا انا بحب الهاتش باك بس انهى افضل لوجان هاتش باك ولا فيات بونتو ولا ساجا ولا هيونداى i10 ولا جيتز شكررررررررا ووسعر اعاده بيع الهاتش باك بتنزل جامد ولا نفسها زى اى عربيه واخر حاجه انا ناوى اجيبها بالقسط فياريت كل واحد يقولى احسن مكان اجيبه منو منين بالقسط وايه نظامه شكررررررررررا لكل اللى هيرد ومعلش هتعبكم معايا الموضوع بالظبط زى انك هتخلف لاول مره هههههههه التعديل الأخير تم بواسطة mohamedmostafa ; 25-11-2010 الساعة 01:35 AM 
|
|
#2
25-11-2010, 01:50 AM
|
||||
|
||||
رد: لوجان جدا جدا ارجو من الجميع الرد
اللوجان عربية ممتازة يا كبير واعتقد احسن وارخص عربية فى فئتها ..
انت لو هتقارنها بالفيرنا هقولك الفيرنا موتورها احسن من اللوجان 1600 CC و 16 صباب .. والعربية خفيفة على الموتور علشان كده العربية سريعة .. لكن يعيبها انها ضيقة عن اللوجان والشنطة بتاعتها عادية مش زى شنطة اللوجان الجبارة .. وكمان مفيهاش اى اوبشنز غير الباور والتكييف والازاز .. لكن اللوجان فيها اير باج ومرايات ضم كهربا وباور وتكييف وامكانية تعديل ارتفاع الانوار .. اما الساجا طبعا اللوجان احسن منها بكتير جدا وده كلام ميختلفش عليه اتنين .. واكيد طبعا عربية مكونات فرنساوى وتقفيل رومانى احسن من اسبيرانزا الصينى .. على الاقل الحمد لله عمرنا ما سمعنا عن حد اشتكى من عيب فى اللوجان فى حين ان فى ناس كتير اشتكت من اسبيرانزا وخصوصا 516 .. اما هيونداى i10 عربية كويسة ولكنها فئة تانية خالص عن اللوجان (مينى) ومينفعش نقارنها باللوجان .. والبونتو عربية كويسة برضو كعربية ومن احسن بدائل اللوجان اللى انت قلت عليها لكن يعيبها قلة قطع الغيار لانها مش منتشرة والصيانة واعادة البيع اعتقد هتكون صعبة .. بس للامانة انا معلوماتى عنها مش قد كده فتقدر تتاكد من باقى الاعضاء بخصوص البونتو .. يعنى باختصار اللوجان هى افضل عربية فى مصر دلوقتى فى نفس الفئة السعرية .. اعتقد حاليا اللوجان السيدان منتشرة اكتر من الهاتشباك ومجربة لكن الهاتش باك لسة منتشرتش اوى فمش هقدر اقولك على اى واحدة افضل .. لكن عموما هما الاتنين عربية واحدة ونفس المكونات والصناعة والفرق بينهم هو الشكل فقط .. بالنسبة لسعر اعادة البيع مقدرش اقولك انهى واحدة تتباع اسرع (السيدان ولا الهاتشباك) لانها عملية رزق .. لكن عموما المصريين بيميلوا للعربيات السيدان عن الهاتشباك .. لكن ده مش مقياس يعنى .. اما موضوع القسط للاسف مش هعرف افيدك فيه لكن باذن الله الاعضاء هنا هيفيدوك فيه افادة كاملة ... وربنا يوفقك يا باشا وتفرح بالعربية الجديدة فى اسرع وقت ... تحياتى ونورت المنتدى ....
__________________
رحـــمـــــــــــة الله عـــلــــــيـــــــك يا حــبـيـبـنــــــــا  ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ 
|
|
#3
25-11-2010, 12:15 PM
|
||||
|
||||
رد: لوجان جدا جدا ارجو من الجميع الرد
بس يا استاذي كلمة ابرك من مليون بلا فايدة
 المهم اللوجان عمرها ماهتزعلك ابدا و صدقني عمرك ما هاتحس انك دفعت اكتر مما اخدته العربية صفقة رابحة بكل المقاييس هاشرحلك بقى ازاي الفيرنا عربية موتور عصبي وقوي جدا على العربية (التقفيل المصري المنيل ) اما موتور اللوجان ابن ناس و قوي برضه و محترم على قد العربية يعيبه ان تكنولوجيا قديمة شويتين يعني تم تصميمه سنة 2001 احسن من اللانوس بتاعت 1996 ثانيا فرامل بسم الله ماشاء الله تطمنك قوي مش زي الفيرنا ولا اللانوس اللي الفرامل تحسسك انك مش هاتقف و لو حصل طارئ و حبيت توقف بسرعة مش هاتسعفك نهائيا و دي نقطة تحتسب لإعتمادية اللوجان ثالثا وسع داخلي و راحة عالية جدا و امكانيات و كماليات على مستوى عالي زائد ان فيها وسائد هوائية يعني امان برضوا و شنطة ماقولكش تشيل فيها عجل  رابعا العربية ثباتها عالي جدا جدا جدا رغم انها عالية عن الارض و دة مضاد لديناميكية الهواء اللي المفروض بيرفع العربية عن الارض في حالة ارتفاعها العالي ( معمولة عند دجال ) و دي حاجة حلوة جدا ثبات عالي و ارتفاع حلو عشان مطبات المحروسة على عكس الفيرنا و اللانوس اللي مفيش فيهم ثبات بنكلة خد عندك دي انتا تعرف ان الفيرنا لو انتا ماشي فوق ال 160 و فتحت الشباك تتقلب بيك مع اللوجان قفل العداد و اعمل اللي انتا عاوزه العربية ثابتة ( ماتمسعش كلامي سوق على مهلك ) نيجي بقى للساجا الساجا اخت اللوجان الصغيرة اعتمادية حلوة قوي قوي قوي بس المشكلة ضيقة يعني 4 ركاب بالظبط لا خامس لهم خامات داخلية مش قد كدة بس احسن من الفيرنا و اللانوس بمراحل امكانياتها حلوة قوي موتورها حلو قوي تكنولوجيا انجليزي تصنيع شركو لوتوس الانجليزية نوعه (كام برو Campro ) و كفاية قوي انها شركة ماليزية مسلمة و لازم نشجعها بس المشكلة في وكيلها في مصر حسبي الله و نعم الوكيل مضيعها تماما قطع غيارها قليلة و مش محققة انتشار تعالي بقى للجيتز قمة الامتياز بجد بس سعرها اغلى ولو قدرت تجيب جيتز تجيب نيو اكسنت احسنلك عربية غووووول بجد و ثبات و امكانيات و كلمة بقى مني الاكسنت احسن من اللانسر البومة (عارف اني هاشبع نقد ) بس و الله احسن بكتير رغم انها كوري  بالنسبة للتقسيط انصحك يا ريس بلااااااااش هاتدفع تمن العربية مرة و نص و اكتر كمان ولو امكانياتك تسمح بتقسيط بس يبقى الافضل التقسيط الاسلامي عشان حقيقي هايريحك قوي بس المشكلة انه ضيق الوقت يعني ممكن يبقى خلال سنتين او 3 بالكتير مش 5 او 7 سنين بس برضوا احسن من التاني لأنه التاني هايرميك لــبنك ينتف ريشك لما هايكرهك في نفسك و يكرهك في العربية و برضوا شوف كل الاحتمالات و احوالك المادية تسمح بإيه و ربنا يوفقك و اهم شئ صلاة الاستخارة و ابعد عن كل ماهو صيني (نصيحة من أخ ) و مبروك يا ريس و ربنا يوفقك و تكون فاتحة الخير عليك و رزقها يبقى واسع عليك و نشوف معاك حتة مرسيدس ولا بورش و آودي بلاش بي ام  ملحوظة : لو انا ماذكرتش حاجة عن عربية من خياراتك اعرف انها ماتستحقش الكلام عليها 
|
|
|
|
