ارجو النصيحة العاجلة لوجه الله تعالى من خبراء الرينو وخاصة الكليو

[drasd]

السلام عليكم
قدامي عربية رينو كليو 1200 موديل 2003 رشة برة لكن دواخل فابريكة بس مش عارف عدادها عامل 100000 كم على 36 الف وواحدة تانية موديل 2004 بس ال 1400 عاملة 39 الف يا ترى انهي الاحسن ال 1200 ولا ال 1400
وايه اخبار قطع غيار الكليو دلوقتي علما بان الاتنين سيدان مش هاتش باك
انا سمعت ان ال 1400 سيسي انجكشن وفيها مشاكل وان ال 1200 سيسي افضل منها
في انتظار رد وحوش الرينو الكرام
في انتظار الرد السريع للاهمية

[nodey]

السلام عليكم
اخي انا راي ان 1400 افضل في السحب والعزم والسفر وتقريبا قطع الغيار في الاثنين متقاربة مع بعض الاختلاف
وبالنسبة لتوافر القطع متوفرة في اماكن كتيير في القاهرة وخصوصا الحرفيين ومنطقة صقر قريش لو عايز العربية قطع يجبوها لك والمحافظات وسعرها معقول بالنسبة لفترة الاستخدام يعني تغير شئ 200ج يعيش قد ما تغير نفس الشئ لسيارة من نوع اخر مرتين او ثلاثة وسعرها 100 مثلا
هذه وجهة نظري
تقبل احترامي ابو خالد

[drasd]

المشاركة الأصلية كتبت بواسطة nodey السلام عليكم اخي انا راي ان 1400 افضل في السحب والعزم والسفر وتقريبا قطع الغيار في الاثنين متقاربة مع بعض الاختلاف وبالنسبة لتوافر القطع متوفرة في اماكن كتيير في القاهرة وخصوصا الحرفيين ومنطقة صقر قريش لو عايز العربية قطع يجبوها لك والمحافظات وسعرها معقول بالنسبة لفترة الاستخدام يعني تغير شئ 200ج يعيش قد ما تغير نفس الشئ لسيارة من نوع اخر مرتين او ثلاثة وسعرها 100 مثلا هذه وجهة نظري تقبل احترامي ابو خالد

شكرا جزيلا لسرعة الرد
ولكن هل صحيح ان ال 1400 فيها مشاكل في الصيانة عن ال 1200 ولا هم الاتنين حاجة واحدة
ارجو الرد للاهمية

[eygptphoto]

السلام عليكم
مشاكل ال1400 اكبر من 1200 غير ان انتشار ال1200 اكثر مع الفارق فى العزم بس صدقنى ال1200 عربية ممتازة بس الكيلومتر عالى اوى ... نصيحة لوجه الله اصبر شوية و هاتلاقى عربيات احسن

[drasd]

المشاركة الأصلية كتبت بواسطة eygptphoto السلام عليكم مشاكل ال1400 اكبر من 1200 غير ان انتشار ال1200 اكثر مع الفارق فى العزم بس صدقنى ال1200 عربية ممتازة بس الكيلومتر عالى اوى ... نصيحة لوجه الله اصبر شوية و هاتلاقى عربيات احسن

جزاك الله خيرا على النصيحة
انت بتقول اصبر والاقي حاجة احسن تقصد احسنن من الرينو كليو ولا احسن من حيث عدد الكيلومترات
وعموما انا قدامي واحدة عاملة 85 الف وواحدة تانية عاملة 70 الف بس في ناس بتقوللي مش مهم العداد المهم حالة العربية عامة والعفشة والمساعدين والبدي وكدا
انا شاكر ليك مرة تاتنية وفي انتظار راي باقي الاعضاء الكرام