|
#1
20-11-2010, 08:44 PM
|
||||
|
||||
عيدية العيد : اتسرقنا ورايحين نشترى المسروق مننا !!!!!!!
كل سنة وانتم طيبين كان المفروض احكى على اللى حصلى فى العيد بس قولت احكى لكم بعد العيد خلاصة الموضوع ان احنا انا ووالدى نزلنا تانى يوم العيد عشان نروح مشوار لحد 6 اكتوبر فوجئنا بسرقة علامة اسبرانزا اللى على عربيتى ال516 العلامة الخلفية والعربية كانت متغطية لا وشوية نزل ابن عمى عشان يمشى لقى العلامتين بتوع النيسان صنى الجديدة بتاعتة اتسرقت كمان لا اللى يكمل الموضوع بقة ان عمى بنبص على عربيتة الشاهين حتى الشاهين لاقينة العلامتين بالسلامة مسروقين بردة قولتلهم بس احنا نبص على كل عربيات العيلة اللى موجودة فى الشارع قدام بيت العيلة الكبير نبص على النيو اكسنت بتاعة عمى التانى العلامات بتاعة الهيونداى مسروقة بردة وال132 القديمة بتاعتنا مسروقة هى كمان لحد هنا والدى قال لأ كلة يتسرق الا ال32 الأ دى ( العلامة الخلفية اللى زعلان عليها الحج ب2ج وانا اللى شاريها من التوفيقية ) خلاصة السرقات دى كلها ان جميع العربيات جديدة وقديمة الخاصة بالعائلة الكريمة اتسرقت علماتهم والبعض علامات وغطيان واللى يغيظ اكتر ان البيت فى السيدة زينب يعنى مش منطقة جديدة ولا صحراوية يعنى فيها ناس سهرانة بس الحمدلله على كل شىء .
المهم النهاردة كنت فى توكيل اسبرانزا عشان اغير زيت للعربية وسألت عن العلامة قالولى ب40 ج قولت مش عايزها اجيبها من محل اكسسوارات اللى قريب منى نزلت وسألتة قالى عندى العادية ب10 ج ودى مش اصلية وعندى واحدة اصلى لسة جاية قبل العيد ب50 ج !!!!!!!!!!!!!!!!!!! قولتلة ورهالى كدة اشوفها لوسمحت وفوجئت انها بتاعة عربيتى طبعا هتقولوا طب عرفت ازاى اقولكم صدق اللى قال ان الحرامى لازم يسيب وراة دليل الحرامى اللى سرق العلامة خلعها بسرعة وساب اثار اللزق عليها ومنضفهاش واما قرنتها بالمكان بتاع علامتى لاقيت فعلا ان فى بواقى لزق على العربية مش موجودة على العلامة والعكس بواقى لزق على العلامة مش موجودة على العربية روحت ماسك الراجل واخذتة القسم وهناك اعترف بالى بعلوا العلامات ووصلة البوليس النهاردة العصر ودلنا هو باع الحاجات دى فين ولمين وبكام تخيلو بايع علامة النيسان ب12 ج والهيونداى ب12ج والأسبرانزا ب9ج ( عشان صينى طبعا ) بس الحمدلله كل حاجة رجعت تانى بس عن طريق الصدفة البحتة جدا جدا جدا وانا قولت احكى موضوعى عشان كل واحد لازم ميسبش عربيتة غير فى حتة امان وكلها نور حتى لايحدث مثل اللى حدث دة حتى انذار العربيات مضربش يعنى العلامة هتتسرق ولا انت دارى وممكن الجنط بعدة الغطاء ويكمل بعد كدة على العربية كلها واسف جدا جدا على الأطالة .
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
التعديل الأخير تم بواسطة BASSEM BESO ; 20-11-2010 الساعة 09:10 PM 
|
|
#2
20-11-2010, 09:09 PM
|
|||
|
|||
رد: خسائر العيد : اتسرقنا ورايحين نشترى المسروق مننا !!!!!!!
والله فلوسك حلال وشكرااا على الخبر
|
|
#3
20-11-2010, 09:11 PM
|
||||
|
||||
|
رد: عيدية العيد : اتسرقنا ورايحين نشترى المسروق مننا !!!!!!!
الحمد لله انها رجعتلك
بجد بستغبى الحركه دى جدا
|
|
#4
20-11-2010, 09:21 PM
|
||||
|
||||
|
رد: عيدية العيد : اتسرقنا ورايحين نشترى المسروق مننا !!!!!!!
والله العظيم دى حاجه تجنن لكن احمد ربنا انو محدش من بتوع التكاتك اخدهم لكن بصراحه ده حرامى غبى اوى مش هاين عليه يشيل الازق الى على العلامه لكن ده ستر من عند ربنا على شان تتاكد انى دى حاجتك
وكمان فى حاجه جنتنى اكتر ياعنى الراجل صاحب المحل مشترى العلامه من الحرامى ب9جنيه و عاوز يبعها ب50 جنيه والله الراجل ده عاوز علقه محترمه
__________________
  كريم على
|
|
#5
20-11-2010, 09:42 PM
|
||||
|
||||
|
رد: عيدية العيد : اتسرقنا ورايحين نشترى المسروق مننا !!!!!!!
سبحان الله
والحمد لله أنك عرفت تآخد حقك فعلاً صاحب الحق قوى وللمنفعة العامة يا ريت تذكر أسم المحل وعنوانه علشان الكل يآخد حرصه
__________________
   
|
 |
|
|
