عايز رايكم فى العربيات دى

[عماد زيدان]

عايز رايكم فى العربيات دى وياريت اسعارها وتقولوهم بالترتيب
1- بيجو 305

2- رينو 9

3- رينو 18

4- رينو 21
وياريت عيوبهم ومميزاتهم بسرعة

[didos]

بصراحة انا ما ركبتش العربيات دى بس انا لو مكانك افكر فى حاجات تانية فى نفس رينج السعر لان اعتقد ان قطع غيارهم صعبة

[ahmdmagdy]

الانواع دي بالذات محدش بيفكر يجبهم الا اذا كان سعرها واقع لأنها عربيات مش احد يفهم في صيانتهم و كمان قطع غيار غاليه و قليله داخلي و خارجي

[حسام البورسعيدى]

شوف علشان مفتيش عليك ..

انا متعاملتش غير مع الـ 305

ونصيحة لوجه الله اوعى تشتريها ..

مش علشان هى وحشة بس لكن علشان قطع غيارها غاااااااااالية ناااااار ..

يكفى انى اقولك ان جوز الكبالن الاستيراد (يعنى مش جديد) جبناهم مرة عاملين 650 جنيه ..

وموتورها بالفتيس كان عامل 6000 جنية تقريبا ..

وغير كدا بيحصل فيها مشاكل فى الكربيراتير ...

علشان كده انصحك تبعد عنها ..


اما بالنسبة للعربيات الرينو اعتقد انها هتكون نفس المشكلة (غلو قطع الغيار)

علشان كدا مقدرش انصحك ب ولا عربية منهم ..

لكن انصحك بفيات 131 او 128 او بولونيز .. لكن بلاش الفرنساوى القديم ..

وفى النهاية هو قرارك .. وربنا يوفقك يا كبير ..