المناورة على سرعة عليه بالفيرنا

[kae]

أنا طبعا كل شوية واحد يقولي الفرنا بعد el-120 ضايعة وحاجات غريبة جدا , المهم بالصدفة كده لقيت فيديو لواحد بيعمل غرز وهو مقفل العداد فـبقيت مستغرب أُمّال الناس اللي بتكلم على الثبات دول اييه ماهو الرجل بيناور بالعربية أهو اسيبكم مع الفيديو

http://www.youtube.com/user/TheMoham.../1/A9gNdDuJo6A

[sayed911]

يكفي ان اقول لحضرتك بس الكاميرا جوة كانت بتعمل ايه !! وانا بصراحة مش شايف فيها شطارة اني اجري بعربية 200 وسط العربيات دي وده بالنسبة الطريق بتاع برج العرب تقريبا اللي عليه حوادث يوميا يعني تخيل لو جه ياخد الغرزة اللي كانت ورا النقل ومقدرش المسافة صح !!!!!!!!!!!!!!!!!

[kae]

طبعا اكيد مفيش اى معنى للتهور ده و بصراحة انا عمرى مبعدى الميه على اى طريق حتى لو فاضى, بس الفيديو ده لكل المشككين فى قدرة السيارة الفيرنا على المناورة بعد ال 100 و فيه ناس كتير بتقول ان الفيرنا مفيهاش ثبات ؤ بتعوم .. الخ فحثيت الكلام ده مش تمام و فيه عدم انصاف للفيرنا , الراجل بيعدى من النقل و بياخد غرزة تقريبا و هو مقفل العداد. خطر جدا بس العربية معمتشى ولا حاجة.

[بدر بسيونى]

ياجماعة بغض النظر عن خطورة اللى بيعملوا ده بس اللى شارى عربية ب 60 ولا 70 الف مش مطلبة منها تقفل عداد مع غرز ورحم الله امرء عرف قدر نفسه وكل عربية لها قدرات ومميزات الى جانب العيوب بلا ادنى شك فالفيرنا عربية محترمة ومنافس من اقوى منافسين فئتها بس مش 200 وغرز برضه

[TELEBK]

ياجماعة نفسي أفهم إيه المغزي من عرض الفيديو ده ، الأخ إللي أدرجة بيقول علشان نعرف قدرات الفيرنا وإنها مش بتعوم وثابتة ورد لكل المشككين في قدراتها ، وبعدين ... !!!! ؟
لو فكرنا للحظات بسيطة وعميقة حنسأل نفسنا السؤال التالي : مين ياتري إللي كان بيتحداه إللي بيسوق العربيه ديه ؟ هل بيتحدي نفسه ولا العربيه بيختبرها ولا بيتحدي الطريق ولا العربيات المحيطة بيه ؟ والجواب هوه .. الغرور .. وعنفوان القوه والتحدي الأعمي ، وإللي مش بيعود بالنفع علي حد بالعكس ده بيعود بالضرر علي صاحب التحدي ده ، وبعدين إيه أخرة التحدي والسرعة ديه ، واللة العظيم آخرته الخراب ، يعني إحنا شايفين في الكاميرا إن اللي في العربية شباب في مقتبل العمر راكبين علي هواء " الكاوتش " ، همة لو واثقين في السواق وفي مهارته وشطارته حيثقوا في العربيه إزاي ، يا ريت ناخد درس من الفيديو ده ، ونخلي التحدي علي أدنا لإن أصغر حفره في الطريق إللي ماشيين عليه لو عدوا عليها بالعربيه وهيه بالسرعة ديه كفيله بإنها تفرتك العربيه وإللي جواها ميت حته ، وإعتقد إننا كلنا بيستانونا ناس : أب ، أم ، أخ ، أخت ، زوجة ، أبناء .... الخ .
ياجماعة رحم الله إمرءا عرف قدر نفسة