ممكن اعرف مزايا و عيوب الكروز

[magd131]

صباح الخير عليكم ممكن اعرف مزايا و عيوب الكروز و هل التوكيل بيقدم خدمات الصيانه كويس ومدي سمعتة و كمان عايز اعرف كل شئ عن الكروز وبالاخص العيوب لانى ناوي اشتري سياره و محتار بين اربع موديلات الكورولا و الكروز و السيراتو واللانسر طبعا الكورولا غنيه عن التعريف بس مشاكل الشكل الجديد مخوفانى منها وكمان اللانسر الشارك شكلها مش عاجبنى بس 2009 ممتازه بس طبعا السعر بياثر علي تفكيري و الامكانيات وياسلام لومقارنه ونقاش علي الموضوع ده اكيد هستفيك لان رايكم يهمنى جدا جدا جدا جدا
اللهم يسر لي امري واسترها مع الجميع

[يحيي خالد احمد]

هي العربيه مش معايا بس مع واحد اعرفه بيقول انها مش وحشه وانه كان جاي علي الطريق السريع كان جايب 210كم وماشاء الله ثاابته اما بقي قطع الغيار دي معرفش فيها انتا ممكن تكلم محل موزع معتمد اعرفه في الحرفيين بتاع قطع غيار اوبل وشيفورليه وتساله عن الاسعار هو دا رقم المحل اسمه الوطنيه 0107250508

[eskenderiya]

مميزاتها شكل جميل وفخم جدا

شكل الطابلوه اجمل من كل عربيات فئتها

الفتيس الاوتوماتك بتاعها من شركة اوبل الالمانية وطبعا 6 سرعات

صاجها قوى وعربية امان جدا

واخدة 5 نجوم فاختبارات الامان الاووبية وباعلى درجات

يعيبها عدم وجود فتحة سقف و ان طلعتها بطيئة شوية انما بعد ال100 جبارة

و بذلك هفهيا تشبه اغلب العربيات الالمانية ال1600 سى سى فمصر زى الاوبل فكترا و الاوكتافيا على سبيل المثال

[eskenderiya]

من مميزاتها ايضا

ان العربية ديه ثابتة ثبات رهيب حتى عالسرعات العالية 150 و 180

وفراملها استجابتها فوق الممتازة

[alymonir]

مع احترامي الشديد لكل الاراء
بدون تفاصيل مملة ( ممكن ترجع للمقارنات و التقارير لكل سيارة على حدة )
لو معاك فلوس هات الكورولا بدون تردد
ابعد عن اللانسر شارك
بعدين الكروز
بعدين السيراتو