حد يعرف حاجة عن الماهيندرا سكوربيو الجديدة 2011

[tota hany]

سلام وتحية لجميعكم .... طبعاً انا جديدة نوفى فى موضوع العربيات ده .... حتى لسة متعلمتش اسوق وبما اننا هنجيب اول عربية لينا فى الأسرة ( بالمناسبة عاوزين عربية عائلية وواسعة وتشيل من الحبايب مية ) وإحنا دلوقتى واقعين فى حيرة نجيب كيا كارينز ولا نجيب ماهيندرا سكوريبو الجديدة 2200 cc بس الله يخليكم الى يعرف يقولى كل واحدة ترخيصها كام فى ال 3 سنين والف شكر مقدماً لكل الى هيرد على سؤالى

[xabi]

مفيش وجه مقارنه بين الكارينز والماهيندرا خالص...الكارينز احسن فى كل حاجه من ناحيه الاداء والشكل(طبعا مسأله اذواق) وكمان قطع غيارها اكيد موجوده واعتماديه اكتر من الماهيندرا(ملهاش لا شكل ولا اداء من وجهه نظرى انا)ده غير انها صينى وكمان اتوقف تصنيعها علشان مش مطابقه للمواصفات..وياريت تصلى صلاه الاستخاره علشان ربنا يوفقك للى فيه الخير باذن الله

[abo-salama]

المشاركة الأصلية كتبت بواسطة xabi مفيش وجه مقارنه بين الكارينز والماهيندرا خالص...الكارينز احسن فى كل حاجه من ناحيه الاداء والشكل(طبعا مسأله اذواق)

معك يا أخى كل الحق

المشاركة الأصلية كتبت بواسطة xabi وكمان قطع غيارها اكيد موجوده واعتماديه اكتر من الماهيندرا(ملهاش لا شكل ولا اداء من وجهه نظرى انا)

أؤيدك فى رايك يا صديقى

المشاركة الأصلية كتبت بواسطة xabi ده غير انها صينى وكمان اتوقف تصنيعها علشان مش مطابقه للمواصفات

هذه المعلومة غير صحيحة يا راجل يا طيب الماهيندرا تصنيع هندى وهو اغضل من الصينى ، بالاضافة أن العربية التى تم ايقاف تصنيعها هى الكومودو الصينية الصنع والمجمعة محليا .

المشاركة الأصلية كتبت بواسطة xabi ..وياريت تصلى صلاه الاستخاره علشان ربنا يوفقك للى فيه الخير باذن الله

أرجوا تأخذوا بهذه النصيحة فلا خاب من استخار

[side view]

الماهيندرا عربيه هندى تجميع مصرى
تقفيلها من جوه سىء جدا جدا

الكارينز افضل منها بمراحل بالرغم من انها اصغر فى الموتور
بس شركه محترمه ولها سمعه عالميه مش مجهوله الهويه زى الماهيندرا

بالنسبه لترخيص الكارينز فهو حوالى 1000 جنيه فى السنه بالضريبه بكل حاجه

[xabi]

المشاركة الأصلية كتبت بواسطة abo-salama معك يا أخى كل الحق أؤيدك فى رايك يا صديقى هذه المعلومة غير صحيحة يا راجل يا طيب الماهيندرا تصنيع هندى وهو اغضل من الصينى ، بالاضافة أن العربية التى تم ايقاف تصنيعها هى الكومودو الصينية الصنع والمجمعة محليا . أرجوا تأخذوا بهذه النصيحة فلا خاب من استخار

عفوا يا ابوسلمى ممكن تكون المعلومه اختلطت عليا..هي فعلا هندى وكمان الكومودو هيا للى اتوقف تصنيعها...وعلى العموم مفرقتش كتير لانهم اسوأ من بعض