تقرير ال1000فى a113

[maxxatta]

بص يا استاذنا اولا هى عربية من ناحية الكماليات ممتازة جداكل الى انت عايزه موجود
اما من نايحة الشكل هى فعلا عربية تخليك ماشى وسط العربيات الاخرى مش مكسوف زى اللادا مثلا او المابل الو العربيات الغريبة
من ناحية الوسع العربية ركبت فيها عائلتى وحماتى واخت زوجتى ولديها طفلان وكانو تمام مش مضيقين ولا حاجة المشكلة فى الشنطة تحس انه مش هتبلى طلباتك لو سافرت وا كنت عايز تحط عجلة او لعبة كبيرة لبنتى
الاداء كماتور المشكلة فى السحب اونت رديت عليها لازم تستنى على الغيار لحا ما تاخد حقك منه عشان تجرى وخصوصا التالت عديم المقدرة لو مكنش التانى واخد حقه
المشكلة فى العفشة فعلا انا بحس بكل حركة فى الشارع تحت رجلى بس مش مشكلة ولا اى ضرر من واحد كنت عندى 128 يعنى الشخللة وكل انواع الاصوات لن لى العربية كل المشكلة فى الاخبط تحت رجلك بس اما الراكب الى جنبك مش حاسس بحاة لانى خليت ابن عمى يسوق وان جلست جنبه ولم احس بحاجة استهلاك البنزين اظن انه جيدا ولما اتمكن من حفظ العربية سوف يكون الاداء احسن
عموما هى عربية لاسرة مصرية مش بتاعة عفرته ا و هزار انا جريت بيها مع هيونداى اكسنت الجديدة السبورت صحيح العزم فارق بس الثبات واضح ثواء كنت لوحدى او معى ناس انا بحس ان العربية تقيلة كمان وده بيان فى البور بحس انه بيقل فى السرعة العالية بعد 80 يعنى
هو ده كل ما فى السيارة وما عليها على فكرة انا رايح اعمل صيانة الالف بكرة او السبت فى العباسية ان شاء الله [/SIZE]

[Eng . Mano]

فعلا كل اللى حضرتك قولته ده معايا بالظبط . العربية عاملة معايا 200 كيلو لغاية دلوقتى ، بس فعلا العفشة ناشفة جداااااا ، بس اعتقد انه مش عيب و كمان مش مزعجة اوى . افتكر ان ده يرجع لصغر قاعدة العجلات بتاعة العربية .
العربية فعلا جميلة و امكانياتها حلوة ، و واسعة من جوة ( حاسس انها النسخة المصغرة من الماتريكس ) ، بس انا للاسف مش شايف الكبوت خالص ، مش عارف انا بس ولا هى تصميمها كده ..
بس هى فعلا احسن من الادا الناشفة دى و من السبارك اللى عاملة زى النملة دى ، و سعرها المبالغ فيها اوى .
كنت عايز اسأل هو مركز تكنوسيرفس اللى فى الكيلو 18 فى طريق مصر اسماعيلية ده كويس ولا لأ ؟؟ لان ده اقرب واحد ليا .
و مشكور ياباشا و ربنا يباركلك فيها ؛

[maxxatta]

المشاركة الأصلية كتبت بواسطة Eng . Mano فعلا كل اللى حضرتك قولته ده معايا بالظبط . العربية عاملة معايا 200 كيلو لغاية دلوقتى ، بس فعلا العفشة ناشفة جداااااا ، بس اعتقد انه مش عيب و كمان مش مزعجة اوى . افتكر ان ده يرجع لصغر قاعدة العجلات بتاعة العربية . العربية فعلا جميلة و امكانياتها حلوة ، و واسعة من جوة ( حاسس انها النسخة المصغرة من الماتريكس ) ، بس انا للاسف مش شايف الكبوت خالص ، مش عارف انا بس ولا هى تصميمها كده .. بس هى فعلا احسن من الادا الناشفة دى و من السبارك اللى عاملة زى النملة دى ، و سعرها المبالغ فيها اوى . كنت عايز اسأل هو مركز تكنوسيرفس اللى فى الكيلو 18 فى طريق مصر اسماعيلية ده كويس ولا لأ ؟؟ لان ده اقرب واحد ليا . و مشكور ياباشا و ربنا يباركلك فيها ؛

انا قولت انها مش زى 128 يعنى عادى اما موضوع الكبوت هو فعلا غير مرئ تماما لازم تعتمد على النور او التخمين
اما حكاية السبارك الى 53 بدون اى سبب وجيه غير انها كورى
انا سمعت قبل كده ان تكنو سرفيس من احسن مراكز الخدمة بعد ابو رواش والعباسية والرابع ابو غالى
وانا رايح العباسية بكرة وهقولك ايه الحصل وياريت يبقى بنا تواصل مع باقى الاسبرانزاوية بس الى a113 بس والى لقاء ان شاء الله

[Eng . Mano]

المشاركة الأصلية كتبت بواسطة maxxatta انا قولت انها مش زى 128 يعنى عادى اما موضوع الكبوت هو فعلا غير مرئ تماما لازم تعتمد على النور او التخمين اما حكاية السبارك الى 53 بدون اى سبب وجيه غير انها كورى انا سمعت قبل كده ان تكنو سرفيس من احسن مراكز الخدمة بعد ابو رواش والعباسية والرابع ابو غالى وانا رايح العباسية بكرة وهقولك ايه الحصل وياريت يبقى بنا تواصل مع باقى الاسبرانزاوية بس الى a113 بس والى لقاء ان شاء الله

ياباشا انا ليا الشرف انى يبقى ليا تواصل مع حضرتك و مع كل الاسبرانزاوية ، و خصوصا ان انا و حضرتك تقريبا من احدث ملاك العربية دى فى الوقت الحالى .
و ده طبعا علشان نفيد بعض بأى معلومة متعلقة بالعربية ، و طبعا نفيد اى عضو يحب يعرف اى حاجة عليها ، زى ما عملنا كده قبل مانجيب العربية .
حضرتك كده طمنتنى ان تكنو سيرفس مركز كويس و انا بأذن الله اروح ليه فى صيانة الالف ، لانه اقرب واحد ليا ( بينى و بينه 10 دقايق )
و مستنى تقرير حضرتك عن صيانة الالف و معاملة توكيل العباسية ده للعملاء و اهتمامهم بالعربية .
ربنا يبارك لحضرتك فى العربية ، و لك منى جزيل الشكر ؛

[drasd]

ياريت اللي راح التوكيل يرد علينا ويقول الاخبار ايه