عايز أركب زينون في الأكصدام

[b A d R]

عايز أركب زينون في الأكصدام مكان لمبات الفوج لايت أو الشبورة .. حد يقولي إزاي و كام سعر الزينون ياريت حد يفيدني بليز

[Injection]

بيبقى زينون عادى ياباشا, الجهاز هو هو الجهاز العادى, مايختلفش عن الزينون العادى غير فى شكل اللمض حسب فوجات عربيتك, الناس بتسميه زينون فوجات وبيتباع فى نفس حدود الزينون العادى, الصينى بحوالى 300 الى 400 جنيه حسب المحل والفصال

وبيتركب زى الزينون العادى بأختلاف أن اللمض بتبقى فى الفوجات, بس.

بس لازم تختار درجة اللون المناسبة (3000k, 4200k) حسب أستعمالك ليه, كل ما درجة الحرارة دى عليت كل مالزينون لونه هيزرق, وهيبقى منظر على الفاضى لأنه مش هيوضح الطريق كويس (معظم ضوئه غير مرئى للعين العادية) وكل ما درجة الحرارة قلت كل مالزينون بقى أبيض وأصفر, لونه مش حلو قوى بس بيوضح الطريق كويس, وهكذا.



بس أبقى قول للراجل زينون فوجات, هيسألك على نوع لمض الفوجات (h3,h4) أو نوع العربية ويديلك الزينون.

[gehadnessem]

لكن ايه هو الدرجة المناسبة يا انجيكشن بالنسبة للطريق وك شكل؟؟؟

[b A d R]

المشاركة الأصلية كتبت بواسطة Injection بيبقى زينون عادى ياباشا, الجهاز هو هو الجهاز العادى, مايختلفش عن الزينون العادى غير فى شكل اللمض حسب فوجات عربيتك, الناس بتسميه زينون فوجات وبيتباع فى نفس حدود الزينون العادى, الصينى بحوالى 300 الى 400 جنيه حسب المحل والفصال وبيتركب زى الزينون العادى بأختلاف أن اللمض بتبقى فى الفوجات, بس. بس لازم تختار درجة اللون المناسبة (3000k, 4200k) حسب أستعمالك ليه, كل ما درجة الحرارة دى عليت كل مالزينون لونه هيزرق, وهيبقى منظر على الفاضى لأنه مش هيوضح الطريق كويس (معظم ضوئه غير مرئى للعين العادية) وكل ما درجة الحرارة قلت كل مالزينون بقى أبيض وأصفر, لونه مش حلو قوى بس بيوضح الطريق كويس, وهكذا. بس أبقى قول للراجل زينون فوجات, هيسألك على نوع لمض الفوجات (h3,h4) أو نوع العربية ويديلك الزينون.

عليا الطلاق إنتا برنس و جامد جدا جدا جدا .. كام يوم كدا علشان لسه عامل تركيب فرش و تغيير سيور و فلاتر فهجمع فلوس و أطلع علي شارع دمشق و ياريت الأقي زينون فوجات للأوكتافيا .. و أول ما أركب هعمل موضوع فيه الفيديو بتاع الزينون .. و ميرسي يا حبيبي و الله كلك ذوق

[Injection]

المشاركة الأصلية كتبت بواسطة b A d R عليا الطلاق إنتا برنس و جامد جدا جدا جدا .. كام يوم كدا علشان لسه عامل تركيب فرش و تغيير سيور و فلاتر فهجمع فلوس و أطلع علي شارع دمشق و ياريت الأقي زينون فوجات للأوكتافيا .. و أول ما أركب هعمل موضوع فيه الفيديو بتاع الزينون .. و ميرسي يا حبيبي و الله كلك ذوق

كلك زوق والله ياباشا, شكرا جدا على ردك الجميل.

المشاركة الأصلية كتبت بواسطة gehadnessem لكن ايه هو الدرجة المناسبة يا انجيكشن بالنسبة للطريق وك شكل؟؟؟

الدرجة المناسبة ياباشا للفوجات هى 4300 أو 6000 كلفن, لو أعلى اللون هيزرق ومعظم الضوء الخارج من اللمبة هيبقى بره رؤية عين الأنسان, ضوء غير مرئى, وهيلغى وظيفة الفوجات اللى هى الرؤية فى الضباب.

ولو أقل اللون زى ماحضرتك شايف فى الصورة هيصفر وشكله مش هيبقى حلو, بس ضوئه هيبقى أكثر وهيوضح الطريق لكن شكله مش هيبقى حلو خاصة لو صينى.

4300 كويس قوى كشكل ولون ورؤية, 3000 هيوضح أكثر بس لونه هيدى على أصفر جامد.

وأسف جدا علشان أتأخرت فى الرد على حضرتك, ظروف والله.